Michael Manciel kemur aftur

Bandríkjamaðurinn Michael Manciel, sem lék síðustu ellefu leiki Hauka í Intersportdeildinni á nýafstöðnu tímabili, mun að öllum líkindum spila með liðinu á næsta tímabili í Intersportdeildinni. Sverrir Hjörleifsson, formaður körfuknattleiksdeildar Hauka, staðfesti þetta í samtali við Fréttablaðið í gær og sagði að búið væri að gera munnlegt samkomulag við Manciel, sem skoraði 25,1 stig og tók 12,5 fráköst að meðaltali í leik. Sverrir sagði jafnframt að mikill áhugi væri innan raða Haukanna að halda Demetric Shaw en hann kom með ferska vinda inn í leik liðsins á lokasprettinum. "Hann ætlar að spila í sumardeild NBA en vonandi kemur hann aftur - áhuginn hjá okkur er í það minnsta til staðar."