Cavaliers rak Silas

Forráðamenn Cleveland Cavaliers í NBA-körfuboltanum ráku þjálfarann Paul Silas fyrr í dag eftir slakt gengi upp á síðkastið. "Þeir ráku mig," sagði Silas. "Þeim þótti liðið ekki vera að standa sig nógu vel og fannst breytinga þörf."   Stjórn liðsins rak einnig Stephen Silas, sem er sonur Paul, en hann var einn af aðstoðarþjálfurum liðsins. Heyrst hefur að menn þar á bæ vilji næla í Flip Saunders, fyrrum þjálfara Minnesota Timberwolves, sem er frá Cleveland. Saunders hefur hins vegar fullan hug á að hvíla út þetta tímabil eftir að hafa verið látinn fara frá Timberwolves. Brendan Malone, aðstoðarþjálfari, mun taka við Cavaliers sem hefur tapað 9 útileikjum í röð.