Keflavík vinnur titilinn 31. mars 2005 00:01 Fyrsta viðureign Keflavík og Snæfells í lokaúrslitum Intersportdeildarinnar í körfuknattleik fer fram í Sláturhúsinu í Keflavík í kvöld. Þessi sömu lið áttust við í úrslitum í fyrra en eftir að Snæfell hafði unnið fyrsta leikinn, vann Keflavíkurhraðlestin þrjá leiki í röð og stóð uppi sem Íslandsmeistari. Vísir fékk Friðrik Inga Rúnarsson, fyrrum landsliðsþjálfara og körfuboltaspeking, til að spá í viðureign kvöldsins. "Ég held að þetta séu tvö allra bestu lið deildarinnar og engin tilviljun að þau sé komin í úrslit. Ég held líka að það sé körfuboltanum til góðs að þessi lið séu að mætast á nýjan leik en eins og margir muna þá mættust þau í fyrra," sagði Friðrik. "Keflvíkingar sýndu í síðasta leik að þeir eru afar sterkir og þá sérstaklega hvað liðsheildina snertir. Það er sama hvaða leikmaður kemur inn á völlinn, það eru allir sem einn tilbúnir í slaginn." "Það sama má segja um Snæfellinga en þeir sýndu það líka í úrslitakeppninni að þeir eru sterkir. Snæfell tapaði fyrsta leiknum á móti KR en er síðan búið að vinna 5 leiki í röð. Það er náttúrulega styrkur og lofar góðu," bætti Friðrik við. Að sögn Friðriks er Calvin Clemmons, leikmaður Snæfells, stórt spurningarmerki fyrir liðið. "Hann er geysilega sterkur líkamlega og það er spurning hvort það geti nýst honum varnarlega gegn Anthony Glover. Sóknarlega hefur leikur hans verið frekar tilviljanakenndur og ef það heldur áfram mun það kosta sitt fyrir Snæfell. Styrkur Glover er auðvitað sóknarleikurinn en ekki sá þekktasti fyrir varnarleikinn þó svo að hann frákasti ágætlega. Enn sem komið er hef ég ekki séð líkamlega sterkari mann en Glover í deildinni í vetur. Þetta er ákveðin áskorun fyrir Clemmons að stíga upp og valda usla." Friðrik segir Mike Ames hafa komið sér skemmtilega á óvart en hann segist hafa búist við að Ames væri eingöngu skotmaður og lítið meira en það. "Hann á meira í pokahorninu en bara skotin og ég reikna með því að eftir því sem ég hef séð að hann er mjög skynsamur leikmaður sem skiptir gríðarlegu máli gegn pressuvörn Keflvíkinga. Hann og Pálmi Freyr Sigurgeirsson munu hljóta eldskírn í úrslitakeppninni í kvöld og munu Keflvíkingar athuga hvar þeir standa gagnvart pressuvörninni." Friðrik telur litlar líkur á að Keflavík tapi fleiri leikjum á heimavelli í úrslitakeppninni. "Keflvíkingar vinna leikinn gegn Snæfelli í kvöld og ég held að ÍR-ingarnir hafi tekið eina leikinn í Sláturhúsinu sem Keflavík tapar í úrslitakeppninni. Keflvíkingar reyna að pressa framarlega og reyna að hleypa leiknum í smá fjör. Það er líka lykilatriði fyrir Keflavík að liðið komi öllum sínum mönnum inn í leikinn." Mikið hefur verið rætt og ritað um dómgæsluna í úrslitakeppninni og þá sérstaklega í viðureignum Keflavíkur og ÍR. Friðrik vildi ekki meina að hallað hefði á ÍR-inganna í fjórða leiknum í Seljaskóla. "Ef tekið er mið af þeim leik þá er ekki hægt að tala um það að Keflavík hafi komist upp með að vera grófir. Keflvíkingar voru gríðarlega harðir í horn að taka og gríðarlega duglegir að yfirdekka sendingar en mjög langt frá því að vera grófir." "Rusl-tal" og önnur eins skemmtilegheit er eitthvað sem fylgir íþróttinni og þá sérstaklega þegar í úrslitin er komið. "ÍR-ingarnir hafa kannski verið gramir yfir því að Keflvíkingar hafi verið grófir í talsmáta en þar er efstur á blaði Nick Bradford. Hann er algjör sálfræðingur á vellinum og annað hvort elskaður eða hataður. Það er ekkert lið né þjálfari sem myndi ekki vilja hafa Bradford innan sinna raða. Ég vil líka benda á það að það eru miklir jaxlar í ÍR-liðinu sem kalla ekki allt ömmu sína og varalesarar hefðu komist í feitt hefðu þeir athugað sumar setningar sem fóru af vörum ÍR-inga. En ég kvarta ekki undan þessu, þetta er harka og fjör og það er þekkt alls staðar í veröldinni að það verður meiri hasar þegar í úrslitakeppnina er komið. Ef svo væri ekki, gætum við bara sleppt henni," sagði Friðrik Ingi Rúnarsson sem hallaðist að því að Keflvíkingar myndu standa uppi sem Íslandsmeistarar eftir fjóra til fimm leikja seríu. Körfubolti Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin Í beinni: Fjölnir - HK | Tekst nýliðunum það sem meisturum FH tókst ekki? „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð „Hún reif í mig og hraunaði yfir mig, á Marilegan hátt“ „Ég get ekki fellt Vestra“ Óttast um öryggi fjölskyldunnar og neyðist til að flytja Tekur með sér lifrarpylsu, grjónagraut og sviðasultu í bakgarðshlaupið Alexander-Arnold reynir að kaupa Nantes Tyson segist ekki berjast vegna peninganna Aðeins einn löglegur dúkur svo Valur og FH byrja saman í Krikanum Segir að Saliba og Gabriel séu besta miðvarðapar í Evrópu Dusty aftur á toppnum eftir sigur á Kano Arftaki Kristjáns óvænt hættur Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Guðmundur miður sín eftir stórtap: „Eitt það versta sem ég hef upplifað lengi“ Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig Sjá meira
Fyrsta viðureign Keflavík og Snæfells í lokaúrslitum Intersportdeildarinnar í körfuknattleik fer fram í Sláturhúsinu í Keflavík í kvöld. Þessi sömu lið áttust við í úrslitum í fyrra en eftir að Snæfell hafði unnið fyrsta leikinn, vann Keflavíkurhraðlestin þrjá leiki í röð og stóð uppi sem Íslandsmeistari. Vísir fékk Friðrik Inga Rúnarsson, fyrrum landsliðsþjálfara og körfuboltaspeking, til að spá í viðureign kvöldsins. "Ég held að þetta séu tvö allra bestu lið deildarinnar og engin tilviljun að þau sé komin í úrslit. Ég held líka að það sé körfuboltanum til góðs að þessi lið séu að mætast á nýjan leik en eins og margir muna þá mættust þau í fyrra," sagði Friðrik. "Keflvíkingar sýndu í síðasta leik að þeir eru afar sterkir og þá sérstaklega hvað liðsheildina snertir. Það er sama hvaða leikmaður kemur inn á völlinn, það eru allir sem einn tilbúnir í slaginn." "Það sama má segja um Snæfellinga en þeir sýndu það líka í úrslitakeppninni að þeir eru sterkir. Snæfell tapaði fyrsta leiknum á móti KR en er síðan búið að vinna 5 leiki í röð. Það er náttúrulega styrkur og lofar góðu," bætti Friðrik við. Að sögn Friðriks er Calvin Clemmons, leikmaður Snæfells, stórt spurningarmerki fyrir liðið. "Hann er geysilega sterkur líkamlega og það er spurning hvort það geti nýst honum varnarlega gegn Anthony Glover. Sóknarlega hefur leikur hans verið frekar tilviljanakenndur og ef það heldur áfram mun það kosta sitt fyrir Snæfell. Styrkur Glover er auðvitað sóknarleikurinn en ekki sá þekktasti fyrir varnarleikinn þó svo að hann frákasti ágætlega. Enn sem komið er hef ég ekki séð líkamlega sterkari mann en Glover í deildinni í vetur. Þetta er ákveðin áskorun fyrir Clemmons að stíga upp og valda usla." Friðrik segir Mike Ames hafa komið sér skemmtilega á óvart en hann segist hafa búist við að Ames væri eingöngu skotmaður og lítið meira en það. "Hann á meira í pokahorninu en bara skotin og ég reikna með því að eftir því sem ég hef séð að hann er mjög skynsamur leikmaður sem skiptir gríðarlegu máli gegn pressuvörn Keflvíkinga. Hann og Pálmi Freyr Sigurgeirsson munu hljóta eldskírn í úrslitakeppninni í kvöld og munu Keflvíkingar athuga hvar þeir standa gagnvart pressuvörninni." Friðrik telur litlar líkur á að Keflavík tapi fleiri leikjum á heimavelli í úrslitakeppninni. "Keflvíkingar vinna leikinn gegn Snæfelli í kvöld og ég held að ÍR-ingarnir hafi tekið eina leikinn í Sláturhúsinu sem Keflavík tapar í úrslitakeppninni. Keflvíkingar reyna að pressa framarlega og reyna að hleypa leiknum í smá fjör. Það er líka lykilatriði fyrir Keflavík að liðið komi öllum sínum mönnum inn í leikinn." Mikið hefur verið rætt og ritað um dómgæsluna í úrslitakeppninni og þá sérstaklega í viðureignum Keflavíkur og ÍR. Friðrik vildi ekki meina að hallað hefði á ÍR-inganna í fjórða leiknum í Seljaskóla. "Ef tekið er mið af þeim leik þá er ekki hægt að tala um það að Keflavík hafi komist upp með að vera grófir. Keflvíkingar voru gríðarlega harðir í horn að taka og gríðarlega duglegir að yfirdekka sendingar en mjög langt frá því að vera grófir." "Rusl-tal" og önnur eins skemmtilegheit er eitthvað sem fylgir íþróttinni og þá sérstaklega þegar í úrslitin er komið. "ÍR-ingarnir hafa kannski verið gramir yfir því að Keflvíkingar hafi verið grófir í talsmáta en þar er efstur á blaði Nick Bradford. Hann er algjör sálfræðingur á vellinum og annað hvort elskaður eða hataður. Það er ekkert lið né þjálfari sem myndi ekki vilja hafa Bradford innan sinna raða. Ég vil líka benda á það að það eru miklir jaxlar í ÍR-liðinu sem kalla ekki allt ömmu sína og varalesarar hefðu komist í feitt hefðu þeir athugað sumar setningar sem fóru af vörum ÍR-inga. En ég kvarta ekki undan þessu, þetta er harka og fjör og það er þekkt alls staðar í veröldinni að það verður meiri hasar þegar í úrslitakeppnina er komið. Ef svo væri ekki, gætum við bara sleppt henni," sagði Friðrik Ingi Rúnarsson sem hallaðist að því að Keflvíkingar myndu standa uppi sem Íslandsmeistarar eftir fjóra til fimm leikja seríu.
Körfubolti Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin Í beinni: Fjölnir - HK | Tekst nýliðunum það sem meisturum FH tókst ekki? „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð „Hún reif í mig og hraunaði yfir mig, á Marilegan hátt“ „Ég get ekki fellt Vestra“ Óttast um öryggi fjölskyldunnar og neyðist til að flytja Tekur með sér lifrarpylsu, grjónagraut og sviðasultu í bakgarðshlaupið Alexander-Arnold reynir að kaupa Nantes Tyson segist ekki berjast vegna peninganna Aðeins einn löglegur dúkur svo Valur og FH byrja saman í Krikanum Segir að Saliba og Gabriel séu besta miðvarðapar í Evrópu Dusty aftur á toppnum eftir sigur á Kano Arftaki Kristjáns óvænt hættur Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Guðmundur miður sín eftir stórtap: „Eitt það versta sem ég hef upplifað lengi“ Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig Sjá meira