Útsendingin fellur niður

Á síðustu stundu var ákveðið að hætta við beina útsendingu frá leik Banvit og KR í Tyrklandi á heimasíðu KR.

Á heimasíðu KR segir að eftirlitsmaður FIBA Europe hafi ákveðið að heimila ekki útsendinguna þar sem álagið á netþjóninn í höllinni gæti haft áhrif á textalýsingu heimasíðu sambandsins.

Þess í stað verður leikurinn sýndur klukkan 18.00 á heimasíðu KR. Hér má komast á heimasíðu KR þar sem hægt er að sjá útsendinguna.

Fyrri leik liðanna lauk með sigri Tyrkjanna, 96-79, í DHL-höllinni.