Jón Arnór og félagar töpuðu fyrir Barcelona

Jón Arnór Stefánsson skoraði átta stig í níu stiga tapi Lottomatica Roma fyrir Barcelona, 74-65, í Meistaradeild Evrópu í körfubolta í gær.

Hann tók fjögur fráköst, stal þremur boltum og gaf eina stoðsendingu á þeim 34 mínútum sem hann lék í leiknum. Hann hitti úr tveimur af þremur skotum sínum innan þriggja stiga línunnar og úr einu af fimm utan hennar. Þá nýtti hann annað tveggja vítaskota sinna í leiknum.

Lottomatica Roma er í sjöunda og næstneðsta sæti C-riðils í deildinni, með einn sigur eftir sex leiki.