Helena með sjö stig á átta mínútum

Helena Sverrisdóttir skoraði sjö stig í öruggum sigri TCU á Grambling State í bandaríska háskólaboltanum í dag.

Hún lék í átta mínútur og á þeim tíma tók hún tvö fráköst, gaf eina stoðsendingu og varði einn bolta. Hún hitti úr öllum þremur skotum sínum innan teigs en klikkaði á báðum þriggja stiga tilraunum sínum. Hún nýtti eina vítakastið sem hún tók í leiknum.

TCU hefur nú unnið sex leiki en tapað sjö en Grambling State aðeins unnið einn af tíu leikjum til þessa.