„Hversu léleg getur mynd verið til að menn nenni ekki einu sinni að stela henni?“ Haukur Viðar Alfreðsson skrifar 21. október 2013 10:38 Kristinn Hrafnsson segir myndina fara frjálslega með staðreyndir af handritinu að dæma. The Fifth Estate, eða Wikileaks-myndin svokallaða, var frumsýnd í Bandaríkjunum um helgina og gekk miðasalan hörmulega að sögn erlendra fjölmiðla. Þeir segja opnunina þá verstu á árinu yfir kvikmyndir sem frumsýndar eru á 1500 tjöldum eða fleiri í Bandaríkjunum. Myndin halaði inn 1,7 milljónir dala, en það jafngildir um 200 milljónum króna. Framleiðslukostnaður myndarinnar er sagður hafa verið hátt í 30 milljónir dala (um 3,6 milljarðar króna) og því er ljóst að myndin á langt í land með að koma út á sléttu. „Það kemur mér ekkert á óvart að myndin fái hrikalega útreið,“ segir Kristinn Hrafnsson, talsmaður Wikileaks. „Miðað við það handrit sem ég las þá er hún hörmung. Bæði staðreyndalega röng og skaðvænleg gagnvart okkar málstað.“ Framleiðendur myndarinnar vildu ekki afhenda sýningareintak af henni til Wikileaks en af handritinu að dæma segir Kristinn myndina fara frjálslega með staðreyndir. „ Þarna er verið að enduróma áróðurslínuna frá bandarískum stjórnvöldum um meinta skaðsemi vegna okkar uppljóstrana og birtinga sem enginn fótur er fyrir og var ekki einu sinni hægt að halda fram í réttarhöldunum gegn Chelsea Manning.“Ætlar ekki á myndina í bíó Kristinn segist telja að ekki sé áhugaskorti almennings á Wikileaks um að kenna. „Wikileaks er ekki óáhugavert heldur þvert á móti. Myndin er illa gerð, sögulega röng ber því miður af sér ákveðin element af áróðri,“ segir Kristinn, sem ætlar ekki að sjá kvikmyndina þegar hún verður frumsýnd hér á landi. „Nei ég ætla nú ekki að borga neina fjármuni til að horfa á þessa mynd. Það var óþarfa tímasóun að lesa handritið en eflaust nauðsynlegt. En það er ekkert í henni sem vert er að sjá í bíó.“ Kvikmyndin var frumsýnd á kvikmyndahátíðinni í Toronto í byrjun september og hefur Kristinn það eftir kollega sínum að þrátt fyrir að hún sé búin að vera í sýningu í Evrópu undanfarið megi hvergi nálgast sjóræningjaútgáfu af henni á netinu. „Hversu léleg getur mynd verið til að menn nenni ekki einu sinni að stela henni? Ég held að það sé einn mesti dómurinn yfir þessari blessuðu mynd.“ The Fifth Estate er frumsýnd hér á landi þann 8. nóvember en búast má við að nokkur áhugi sé fyrir myndinni þar sem hún var tekin upp hér á landi að hluta. Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Stjörnulífið: Töru Sif meinað að fara í bað Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið „Eini metnaðurinn minn var að líða ekki illa“ Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
The Fifth Estate, eða Wikileaks-myndin svokallaða, var frumsýnd í Bandaríkjunum um helgina og gekk miðasalan hörmulega að sögn erlendra fjölmiðla. Þeir segja opnunina þá verstu á árinu yfir kvikmyndir sem frumsýndar eru á 1500 tjöldum eða fleiri í Bandaríkjunum. Myndin halaði inn 1,7 milljónir dala, en það jafngildir um 200 milljónum króna. Framleiðslukostnaður myndarinnar er sagður hafa verið hátt í 30 milljónir dala (um 3,6 milljarðar króna) og því er ljóst að myndin á langt í land með að koma út á sléttu. „Það kemur mér ekkert á óvart að myndin fái hrikalega útreið,“ segir Kristinn Hrafnsson, talsmaður Wikileaks. „Miðað við það handrit sem ég las þá er hún hörmung. Bæði staðreyndalega röng og skaðvænleg gagnvart okkar málstað.“ Framleiðendur myndarinnar vildu ekki afhenda sýningareintak af henni til Wikileaks en af handritinu að dæma segir Kristinn myndina fara frjálslega með staðreyndir. „ Þarna er verið að enduróma áróðurslínuna frá bandarískum stjórnvöldum um meinta skaðsemi vegna okkar uppljóstrana og birtinga sem enginn fótur er fyrir og var ekki einu sinni hægt að halda fram í réttarhöldunum gegn Chelsea Manning.“Ætlar ekki á myndina í bíó Kristinn segist telja að ekki sé áhugaskorti almennings á Wikileaks um að kenna. „Wikileaks er ekki óáhugavert heldur þvert á móti. Myndin er illa gerð, sögulega röng ber því miður af sér ákveðin element af áróðri,“ segir Kristinn, sem ætlar ekki að sjá kvikmyndina þegar hún verður frumsýnd hér á landi. „Nei ég ætla nú ekki að borga neina fjármuni til að horfa á þessa mynd. Það var óþarfa tímasóun að lesa handritið en eflaust nauðsynlegt. En það er ekkert í henni sem vert er að sjá í bíó.“ Kvikmyndin var frumsýnd á kvikmyndahátíðinni í Toronto í byrjun september og hefur Kristinn það eftir kollega sínum að þrátt fyrir að hún sé búin að vera í sýningu í Evrópu undanfarið megi hvergi nálgast sjóræningjaútgáfu af henni á netinu. „Hversu léleg getur mynd verið til að menn nenni ekki einu sinni að stela henni? Ég held að það sé einn mesti dómurinn yfir þessari blessuðu mynd.“ The Fifth Estate er frumsýnd hér á landi þann 8. nóvember en búast má við að nokkur áhugi sé fyrir myndinni þar sem hún var tekin upp hér á landi að hluta.
Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Stjörnulífið: Töru Sif meinað að fara í bað Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið „Eini metnaðurinn minn var að líða ekki illa“ Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira