Franskur slagur í fjórðungsúrslitum

Gunnar Steinn Jónsson og félagar í Nantes mæta löndum sínum í Montpellier í 8-liða úrslitum EHF-bikarkeppninnar.

Aðeins þrír leikir fara fram í fjórðungsúrslitunum þar sem að Füchse Berlin fer beint í lokakeppni fjögurra sterkustu liðanna þar sem hún verður haldin á heimavelli liðsins í Berlín.

Sporting frá Portúgal mætir ungverska liðinu Pick Szeged og þá dróst HCM Constanta frá Rúmeníu gegn sænska liðinu Lugi.

Fyrri leikirnir fara fram 19. og 20. apríl og síðari viðureignirnar viku síðar.