Umfjöllun og viðtöl: Haukar - Skallagrímur 80-70 | Haukasigur gegn nýliðunum Smári Jökull Jónsson skrifar 7. október 2016 22:15 Finnur Atli Magnússon átti góðan leik í liði Hauka. vísir/anton Silfurlið Hauka frá því í fyrra byrjar tímabilið í Dominos-deildinni vel. Þeir unnu góðan tíu stiga sigur á nýliðum Skallagríms á heimavelli sínum í Schenker-höllinni í kvöld. Sigur Hauka var nokkuð þægilegur en gestirnir voru þó nálægt því að setja spennu í lokin í síðasta leikhlutanum. Við þurftum ekki að bíða lengi eftir fyrstu tilþrifum leiksins. Þau átti Flenard Whitfield úr Skallagrím þegar hann skoraði fyrstu stig leiksins með glæsilegri troðslu, ekki sinni síðustu í leiknum. Það var jafnræði með liðunum í fyrsta leikhluta en í upphafi þess annars náðu Haukar góðum kafla og komust mest 17 stigum yfir. Skallarnir héldu þó í við gestina, þrátt fyrir slaka hittni, og staðan í hálfleik var, 47-34 heimamönnum í vil. Finnur Atli og Aaron Brown voru að spila vel fyrir heimamenn og Whitfield sterkur hjá gestunum. Hjálmar Stefánsson leysti hlutverk Emil Barja ágætlega, en Emil meiddist á æfingu í gær og var ekki með í kvöld. Í þriðja leikhluta var svipað uppi á teningunum og í fyrri hálfleik. Haukarnir héldu gestunum í seilingarfjarlægð og skotin voru ekki að detta hjá Skallagrím. Þeir voru 1/13 í þriggja stiga skotum áður en Whitfield skoraði eina þriggja stiga körfu rétt fyrir lok leikhlutans og minnkaði þá muninn í 9 stig. Í fjórða leikhluta náðu gestirnir hins vegar fínu áhlaupi. Þeir þéttu varnarleikinn og áðurnefndur Whitfield hélt áfram í troðslukeppni, náði tveimur slíkum í röð og kveikti vel í sínum mönnum sem og Borgnesinum á pöllunum. Þá vantaði hins vegar herslumuninn til að komast enn nær, en munurinn varð minnst 6 stig. Haukarnir sigldu sigrinum nokkuð þægilega í höfn og unnu að lokum 10 stiga sigur, loka tölur 80-70.Ívar: Vantar upp á leikformiðÍvar Ásgrímsson þjálfari Hauka var sæmilega sáttur eftir sigurinn á nýliðum Skallagríms í 1.umferð Dominos-deildarinnar í kvöld. „Það var fín barátta hjá okkur og menn voru að leggja sig fram. Mér fannst vanta upp á leikformið og við erum búnir að vera í vandræðum með meiðsli og aldrei náð að stilla upp okkar sterkasta liði,“ sagði Ívar í samtali við Vísi að leik loknum. „Við vorum án Emils (Barja) í dag og það sást á okkur, við vorum svolítið hægir að bera upp boltann. Hjálmar leysti hlutverkið þó vel og Arnór kom sterkur inn. Ég er ánægður með hvernig menn brugðust við. Emil meiddist í gærkvöldi og við vorum ekki búnir að undirbúa að vera án hans,“ bætti Ívar við. „Það er mjög jákvætt að vinna. Vítanýtingin var frábær og vörnin fín líka. Við erum að fá nýja menn inn. Kristján Leifur og Breki eru báðir að spila sinn fyrsta úrvarsdeildarleik og Arnór líka að einhverju ráði. Þeir stóðu sig mjög vel og okkar reynslumiklu menn, Finnur og Haukur, áttu líka góðan leik.“ Ívar sagði að honum sýndist vanta upp á leikform hjá liðunum í deildinni og talaði um skort á æfingaleikjum. „Mér hefur sýnst í flestum leikjum vanta upp á leikformið. Þessi fyrirtækjabikar sem var blásinn af, það var mikil synd og mér finnst liðin ekki koma í eins góðu leikformi núna eins og síðustu ár,“ sagði Ívar að lokum.Finnur: Við hittum ekki sjóinn Finnur Jónsson þjálfari nýliða Skallagríms var vitaskuld ekki ánægður eftir 10 stiga tap í Schenker-höllinni í kvöld. „Þetta var ekki nógu gott. Við töpum með 10 stigum. En fyrsti leikurinn er búinn og hrollurinn farinn úr mönnum,“ sagði Finnur þegar Vísir ræddi við hann að leik loknum. „Við hittum náttúrulega ekki sjóinn. Við vorum með 30% skotnýtingu, tókum 10 fleiri skot en þeir og fleiri víti. Vorum líka með helmingi færri tapaða bolta en við bara hittum ekki neitt. Við þurfum að fara að æfa okkur að hitta í körfuna. Það er ekki vænlegt til árangurs að hitta úr tveimur af tuttugu þriggja stiga skotum“ bætti Finnur við. Borgnesingar voru nálægt því að setja spennu í lokin og náðu að minnka muninn í 6 stig í síðasta leikhlutanum. En slök hittni kom í veg fyrir að þeir kæmust nær en það. „Það vantaði herslumuninn, það var haustbragur á okkur. Við förum bara í næsta leik, við ætlum að taka einn leik í einu og næst er það KR heima. Það er fullt af fólki á bakvið okkur í Borgarnesi, bæði karla- og kvennaliðið er í efstu deild og það er mikil stemmning og mikið gaman,“ sagði Finnur Jónsson þjálfari Skallagríms að lokum.Finnur Atli: Fínt að vera spáð neðarlegaFinnur Atli Magnússon átti fínan leik fyrir Haukana í dag en hann verður án efa í stóru hlutverki hjá þeim rauðklæddu í vetur líkt og í fyrra. „Ég er bara mjög sáttur. Við fengum bara að vita í dag að Emil yrði ekki með og ég var smá stressaður því Hjálmar er ekki vanur að koma upp með boltann. En við leystum þetta nokkuð vel og ég er ánægður með 10 stiga sigur,“ sagði Finnur þegar Vísir ræddi við hann eftir leik. "Við spiluðum við Skallagrím í æfingaleik en þá vantaði menn hjá okkur og við vorum vængbrotnir í þeim leik og töpuðum. En þá fengum við smá sýnishorn hvernig þeir spila, Kaninn sérstaklega, þannig að við vissum nokkurn veginn hvað við vorum að fara út í. Mér fannst við gera þetta nokkuð vel,“ bætti Finnur Atli við. Haukar fengu silfrið í fyrra eftir úrslitarimmu við KR en er spáð misjöfnu gengi í vetur. Finnur Atli sagði það kveikja í hans mönnum. „Ég fíla að okkur sé spáð neðarlega, eins og sérfræðingarnir í Körfuboltakvöldi gerðu. 10 sæti? Mér fannst það fínt. Spár eru spár og við stefnum á að vera með heimavallarrétt í úrslitakeppninni og ég segi að við getum það vel. Þetta er fyrsta skrefið,“ sagði Finnur Atli að endingu.Bein lýsing: Haukar - SkallagrímurTweets by @visirkarfa4 Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Glæsimörk Mundu eftir tveggja ára bið Fótbolti Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira
Silfurlið Hauka frá því í fyrra byrjar tímabilið í Dominos-deildinni vel. Þeir unnu góðan tíu stiga sigur á nýliðum Skallagríms á heimavelli sínum í Schenker-höllinni í kvöld. Sigur Hauka var nokkuð þægilegur en gestirnir voru þó nálægt því að setja spennu í lokin í síðasta leikhlutanum. Við þurftum ekki að bíða lengi eftir fyrstu tilþrifum leiksins. Þau átti Flenard Whitfield úr Skallagrím þegar hann skoraði fyrstu stig leiksins með glæsilegri troðslu, ekki sinni síðustu í leiknum. Það var jafnræði með liðunum í fyrsta leikhluta en í upphafi þess annars náðu Haukar góðum kafla og komust mest 17 stigum yfir. Skallarnir héldu þó í við gestina, þrátt fyrir slaka hittni, og staðan í hálfleik var, 47-34 heimamönnum í vil. Finnur Atli og Aaron Brown voru að spila vel fyrir heimamenn og Whitfield sterkur hjá gestunum. Hjálmar Stefánsson leysti hlutverk Emil Barja ágætlega, en Emil meiddist á æfingu í gær og var ekki með í kvöld. Í þriðja leikhluta var svipað uppi á teningunum og í fyrri hálfleik. Haukarnir héldu gestunum í seilingarfjarlægð og skotin voru ekki að detta hjá Skallagrím. Þeir voru 1/13 í þriggja stiga skotum áður en Whitfield skoraði eina þriggja stiga körfu rétt fyrir lok leikhlutans og minnkaði þá muninn í 9 stig. Í fjórða leikhluta náðu gestirnir hins vegar fínu áhlaupi. Þeir þéttu varnarleikinn og áðurnefndur Whitfield hélt áfram í troðslukeppni, náði tveimur slíkum í röð og kveikti vel í sínum mönnum sem og Borgnesinum á pöllunum. Þá vantaði hins vegar herslumuninn til að komast enn nær, en munurinn varð minnst 6 stig. Haukarnir sigldu sigrinum nokkuð þægilega í höfn og unnu að lokum 10 stiga sigur, loka tölur 80-70.Ívar: Vantar upp á leikformiðÍvar Ásgrímsson þjálfari Hauka var sæmilega sáttur eftir sigurinn á nýliðum Skallagríms í 1.umferð Dominos-deildarinnar í kvöld. „Það var fín barátta hjá okkur og menn voru að leggja sig fram. Mér fannst vanta upp á leikformið og við erum búnir að vera í vandræðum með meiðsli og aldrei náð að stilla upp okkar sterkasta liði,“ sagði Ívar í samtali við Vísi að leik loknum. „Við vorum án Emils (Barja) í dag og það sást á okkur, við vorum svolítið hægir að bera upp boltann. Hjálmar leysti hlutverkið þó vel og Arnór kom sterkur inn. Ég er ánægður með hvernig menn brugðust við. Emil meiddist í gærkvöldi og við vorum ekki búnir að undirbúa að vera án hans,“ bætti Ívar við. „Það er mjög jákvætt að vinna. Vítanýtingin var frábær og vörnin fín líka. Við erum að fá nýja menn inn. Kristján Leifur og Breki eru báðir að spila sinn fyrsta úrvarsdeildarleik og Arnór líka að einhverju ráði. Þeir stóðu sig mjög vel og okkar reynslumiklu menn, Finnur og Haukur, áttu líka góðan leik.“ Ívar sagði að honum sýndist vanta upp á leikform hjá liðunum í deildinni og talaði um skort á æfingaleikjum. „Mér hefur sýnst í flestum leikjum vanta upp á leikformið. Þessi fyrirtækjabikar sem var blásinn af, það var mikil synd og mér finnst liðin ekki koma í eins góðu leikformi núna eins og síðustu ár,“ sagði Ívar að lokum.Finnur: Við hittum ekki sjóinn Finnur Jónsson þjálfari nýliða Skallagríms var vitaskuld ekki ánægður eftir 10 stiga tap í Schenker-höllinni í kvöld. „Þetta var ekki nógu gott. Við töpum með 10 stigum. En fyrsti leikurinn er búinn og hrollurinn farinn úr mönnum,“ sagði Finnur þegar Vísir ræddi við hann að leik loknum. „Við hittum náttúrulega ekki sjóinn. Við vorum með 30% skotnýtingu, tókum 10 fleiri skot en þeir og fleiri víti. Vorum líka með helmingi færri tapaða bolta en við bara hittum ekki neitt. Við þurfum að fara að æfa okkur að hitta í körfuna. Það er ekki vænlegt til árangurs að hitta úr tveimur af tuttugu þriggja stiga skotum“ bætti Finnur við. Borgnesingar voru nálægt því að setja spennu í lokin og náðu að minnka muninn í 6 stig í síðasta leikhlutanum. En slök hittni kom í veg fyrir að þeir kæmust nær en það. „Það vantaði herslumuninn, það var haustbragur á okkur. Við förum bara í næsta leik, við ætlum að taka einn leik í einu og næst er það KR heima. Það er fullt af fólki á bakvið okkur í Borgarnesi, bæði karla- og kvennaliðið er í efstu deild og það er mikil stemmning og mikið gaman,“ sagði Finnur Jónsson þjálfari Skallagríms að lokum.Finnur Atli: Fínt að vera spáð neðarlegaFinnur Atli Magnússon átti fínan leik fyrir Haukana í dag en hann verður án efa í stóru hlutverki hjá þeim rauðklæddu í vetur líkt og í fyrra. „Ég er bara mjög sáttur. Við fengum bara að vita í dag að Emil yrði ekki með og ég var smá stressaður því Hjálmar er ekki vanur að koma upp með boltann. En við leystum þetta nokkuð vel og ég er ánægður með 10 stiga sigur,“ sagði Finnur þegar Vísir ræddi við hann eftir leik. "Við spiluðum við Skallagrím í æfingaleik en þá vantaði menn hjá okkur og við vorum vængbrotnir í þeim leik og töpuðum. En þá fengum við smá sýnishorn hvernig þeir spila, Kaninn sérstaklega, þannig að við vissum nokkurn veginn hvað við vorum að fara út í. Mér fannst við gera þetta nokkuð vel,“ bætti Finnur Atli við. Haukar fengu silfrið í fyrra eftir úrslitarimmu við KR en er spáð misjöfnu gengi í vetur. Finnur Atli sagði það kveikja í hans mönnum. „Ég fíla að okkur sé spáð neðarlega, eins og sérfræðingarnir í Körfuboltakvöldi gerðu. 10 sæti? Mér fannst það fínt. Spár eru spár og við stefnum á að vera með heimavallarrétt í úrslitakeppninni og ég segi að við getum það vel. Þetta er fyrsta skrefið,“ sagði Finnur Atli að endingu.Bein lýsing: Haukar - SkallagrímurTweets by @visirkarfa4
Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Glæsimörk Mundu eftir tveggja ára bið Fótbolti Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira