Umfjöllun og viðtöl: Stjarnan - Keflavík 99-82 | Sannfærandi Stjörnusigur Ingvi Þór Sæmundsson skrifar 28. október 2016 22:45 Hlynur Bæringsson stóð fyrir sínu að vanda. Vísir/Ernir Stjarnan er áfram með fullt hús stiga í Domino's deild karla í körfubolta eftir öruggan 17 stiga sigur, 99-82, á Keflavík í lokaleik 4. umferðar í kvöld. Stjörnumenn voru mun sterkari aðilinn í leiknum og leiddu nánast allan tímann. Keflavík komst reyndar yfir, 31-32, um miðbik 2. leikhluta en Stjarnan svaraði með 15-5 kafla og leiddi með níu stigum í hálfleik, 46-37. Undir lok fyrri hálfleiks var Keflvíkingnum Reggie Dupree vísað úr húsi fyrir að kasta svitabandi Justins Shouse upp í stúku og án hans áttu gestirnir aldrei möguleika í seinni hálfleik. Stjörnumenn juku forystu sína jafnt og þétt og unnu að lokum sannfærandi 17 stiga sigur, 99-82. Tómas Heiðar Tómasson var stigahæstur í liði Stjörnunnar með 25 stig en hjá Keflavík var Amin Stevens í sérflokki með 24 stig og 14 fráköst.Af hverju vann Stjarnan? Stjörnumenn voru alltaf, ef frá er talinn stuttur kafli í 2. leikhluta, skrefinu á undan gestunum úr Keflavík. Garðbæingar voru sjóðheitir fyrir utan þriggja stiga línuna á meðan Keflvíkingar hittu illa, bæði inni í teig og fyrir utan. Fleiri leikmenn lögðu hönd á plóg í liði Stjörnunnar en Keflavíkur en til marks um það skoruðu fjórir leikmenn Garðbæinga 19 stig eða meira í leiknum. Stevens reyndi hvað hann gat hjá Keflavík en vantaði sárlega meiri hjálp.Bestu menn vallarins: Tómas Heiðar var frábær í liði Stjörnunnar, setti niður fjóra þrista í 1. leikhluta og sjö alls, í aðeins átta skotum. Devon Austin skilaði einnig góðu dagsverki sem og Justin og Hlynur Bæringsson. Stevens stóð upp úr í liði Keflavíkur og Reggie var góður á meðan hans naut við.Tölfræðin sem vakti athygli: Þriggja stiga nýting Stjörnunnar var lygileg, eða 55%. Sex af sjö þriggja stiga skotum heimamanna í 1. leikhluta fóru ofan í sem var kannski eins gott því liðið tapaði boltanum 10 sinnum á fyrstu 10 mínútum leiksins. Það hefði getað reynst dýrkeypt gegn betra liði en Keflavík. Stjörnumenn fækkuðu mistökunum eftir 1. leikhlutann en enduðu samt með 21 tapaðan bolta sem er full mikið. Í upphafi 4. leikhluta höfðu gestirnir aðeins sett niður þrjú þriggja skot úr 16 tilraunum. Keflvíkingar náðu þó aðeins að laga nýtinguna á lokakaflanum.Hvað gekk illa? Stjörnumenn voru hálf slappir í upphafi leiks en voru samt alltaf með frumkvæðið. Keflvíkingar héldu í við heimamenn í fyrri hálfleik en brottrekstur Reggies reyndist þeim dýr. Bakvörðurinn spilaði virkilega vel í fyrri hálfleik og var stigahæsti maður liðsins þegar hann lét henda sér út úr húsi fyrir óíþróttamannslega hegðun. Afar vond ákvörðun hjá Reggie og hún bitnaði á Keflavíkurliðinu sem átti erfitt uppdráttar í seinni hálfleik.Hrafn: Vorum ekki nógu sterkir andlega í upphafi leiks Hrafn Kristjánsson, þjálfari Stjörnunnar, var ánægður með spilamennsku sinna manna í seinni hálfleik í sigrinum á Keflavík í kvöld. Hann var ekki jafn hrifinn af frammistöðu Garðbæinga í fyrri hálfleiknum. „Þetta var saga tveggja hálfleikja. Ég var ofboðslega ósáttur við fyrri hálfleikinn og hvernig við komum inn í hann. Við vissum alveg að Keflavík myndi láta okkur hafa fyrir hlutunum og við ætluðum að taka vel á móti. En núll liðsvillur og 10 tapaðir boltar í 1. leikhluta benda til þess að menn hafi ekki verið nógu sterkir andlega og við þurfum að greina af hverju það var,“ sagði Hrafn eftir leik. Keflvíkingar héldu í við Stjörnumenn í fyrri hálfleik en það má segja að vendipunktur leiksins hafi verið þegar Reggie Dupree lét henda sér út úr húsi fyrir að kasta svitabandi Justins Shouse upp í stúku. Hrafn segir að brottreksturinn hafi haft sitt að segja fyrir bæði lið. „Þetta leiðindaatvik hjálpaði til. Manni finnst ekkert gaman þegar eitthvað slíkt hjálpar manni í baráttunni,“ sagði Hrafn en atvikið má sjá hér að neðan. Þjálfarinn er að vonum sáttur með byrjunina á tímabilinu, enda eru Stjörnumenn með fullt hús stiga eftir fjórar umferðir. Hann segir samt að liðið geti gert betur. „Við getum betur og verðum að vinna eftir einhvers konar áætlun. Ég veit ekki alveg hvert maður færi ef maður spilaði á hæsta leveli í fyrstu fjórum umferðunum. En það er gott að sjá að stigin dreifast vel og mismunandi menn stíga upp á mismunandi stundum,“ sagði Hrafn að lokum.Hjörtur: Vendipunktur þegar Reggie var rekinn út af Hjörtur Harðarson, þjálfari Keflavíkur, sagði að brottrekstur Reggies Dupree hafi komið illa niður á hans liði. „Það algjör vendipunktur þegar Reggie var rekinn út af. Hann var búinn að spila vel og þetta var ágætlega jafn leikur. En svo snerist þetta allt við og það vantaði smá kraft í okkur. „Við létum ýta okkur út úr stöðum og vorum ekki nógu ákveðnir,“ sagði Hjörtur sem kvaðst ekki hafa séð nógu vel hvað gerðist þegar dómararnir vísuðu Reggie af velli. „Ég get eiginlega ekkert sagt um það, ég sá ekki almennilega hvað gerðist,“ sagði þjálfarinn. Keflvíkingar eru með fjögur stig í Domino's deildinni eftir fjórar umferðir, hafa unnið tvo leiki og tapað tveimur. Hjörtur segist vera mátulega sáttur með byrjunina hjá sínu liði. „Við erum búnir að spila við þrjú lið sem var spáð ofar en okkur. Þannig að þetta er ekkert svo slæmt myndi ég segja. Þetta er ásættanleg byrjun,“ sagði Hjörtur að lokum.Tweets by @Visirkarfa3 Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Glæsimörk Mundu eftir tveggja ára bið Fótbolti Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira
Stjarnan er áfram með fullt hús stiga í Domino's deild karla í körfubolta eftir öruggan 17 stiga sigur, 99-82, á Keflavík í lokaleik 4. umferðar í kvöld. Stjörnumenn voru mun sterkari aðilinn í leiknum og leiddu nánast allan tímann. Keflavík komst reyndar yfir, 31-32, um miðbik 2. leikhluta en Stjarnan svaraði með 15-5 kafla og leiddi með níu stigum í hálfleik, 46-37. Undir lok fyrri hálfleiks var Keflvíkingnum Reggie Dupree vísað úr húsi fyrir að kasta svitabandi Justins Shouse upp í stúku og án hans áttu gestirnir aldrei möguleika í seinni hálfleik. Stjörnumenn juku forystu sína jafnt og þétt og unnu að lokum sannfærandi 17 stiga sigur, 99-82. Tómas Heiðar Tómasson var stigahæstur í liði Stjörnunnar með 25 stig en hjá Keflavík var Amin Stevens í sérflokki með 24 stig og 14 fráköst.Af hverju vann Stjarnan? Stjörnumenn voru alltaf, ef frá er talinn stuttur kafli í 2. leikhluta, skrefinu á undan gestunum úr Keflavík. Garðbæingar voru sjóðheitir fyrir utan þriggja stiga línuna á meðan Keflvíkingar hittu illa, bæði inni í teig og fyrir utan. Fleiri leikmenn lögðu hönd á plóg í liði Stjörnunnar en Keflavíkur en til marks um það skoruðu fjórir leikmenn Garðbæinga 19 stig eða meira í leiknum. Stevens reyndi hvað hann gat hjá Keflavík en vantaði sárlega meiri hjálp.Bestu menn vallarins: Tómas Heiðar var frábær í liði Stjörnunnar, setti niður fjóra þrista í 1. leikhluta og sjö alls, í aðeins átta skotum. Devon Austin skilaði einnig góðu dagsverki sem og Justin og Hlynur Bæringsson. Stevens stóð upp úr í liði Keflavíkur og Reggie var góður á meðan hans naut við.Tölfræðin sem vakti athygli: Þriggja stiga nýting Stjörnunnar var lygileg, eða 55%. Sex af sjö þriggja stiga skotum heimamanna í 1. leikhluta fóru ofan í sem var kannski eins gott því liðið tapaði boltanum 10 sinnum á fyrstu 10 mínútum leiksins. Það hefði getað reynst dýrkeypt gegn betra liði en Keflavík. Stjörnumenn fækkuðu mistökunum eftir 1. leikhlutann en enduðu samt með 21 tapaðan bolta sem er full mikið. Í upphafi 4. leikhluta höfðu gestirnir aðeins sett niður þrjú þriggja skot úr 16 tilraunum. Keflvíkingar náðu þó aðeins að laga nýtinguna á lokakaflanum.Hvað gekk illa? Stjörnumenn voru hálf slappir í upphafi leiks en voru samt alltaf með frumkvæðið. Keflvíkingar héldu í við heimamenn í fyrri hálfleik en brottrekstur Reggies reyndist þeim dýr. Bakvörðurinn spilaði virkilega vel í fyrri hálfleik og var stigahæsti maður liðsins þegar hann lét henda sér út úr húsi fyrir óíþróttamannslega hegðun. Afar vond ákvörðun hjá Reggie og hún bitnaði á Keflavíkurliðinu sem átti erfitt uppdráttar í seinni hálfleik.Hrafn: Vorum ekki nógu sterkir andlega í upphafi leiks Hrafn Kristjánsson, þjálfari Stjörnunnar, var ánægður með spilamennsku sinna manna í seinni hálfleik í sigrinum á Keflavík í kvöld. Hann var ekki jafn hrifinn af frammistöðu Garðbæinga í fyrri hálfleiknum. „Þetta var saga tveggja hálfleikja. Ég var ofboðslega ósáttur við fyrri hálfleikinn og hvernig við komum inn í hann. Við vissum alveg að Keflavík myndi láta okkur hafa fyrir hlutunum og við ætluðum að taka vel á móti. En núll liðsvillur og 10 tapaðir boltar í 1. leikhluta benda til þess að menn hafi ekki verið nógu sterkir andlega og við þurfum að greina af hverju það var,“ sagði Hrafn eftir leik. Keflvíkingar héldu í við Stjörnumenn í fyrri hálfleik en það má segja að vendipunktur leiksins hafi verið þegar Reggie Dupree lét henda sér út úr húsi fyrir að kasta svitabandi Justins Shouse upp í stúku. Hrafn segir að brottreksturinn hafi haft sitt að segja fyrir bæði lið. „Þetta leiðindaatvik hjálpaði til. Manni finnst ekkert gaman þegar eitthvað slíkt hjálpar manni í baráttunni,“ sagði Hrafn en atvikið má sjá hér að neðan. Þjálfarinn er að vonum sáttur með byrjunina á tímabilinu, enda eru Stjörnumenn með fullt hús stiga eftir fjórar umferðir. Hann segir samt að liðið geti gert betur. „Við getum betur og verðum að vinna eftir einhvers konar áætlun. Ég veit ekki alveg hvert maður færi ef maður spilaði á hæsta leveli í fyrstu fjórum umferðunum. En það er gott að sjá að stigin dreifast vel og mismunandi menn stíga upp á mismunandi stundum,“ sagði Hrafn að lokum.Hjörtur: Vendipunktur þegar Reggie var rekinn út af Hjörtur Harðarson, þjálfari Keflavíkur, sagði að brottrekstur Reggies Dupree hafi komið illa niður á hans liði. „Það algjör vendipunktur þegar Reggie var rekinn út af. Hann var búinn að spila vel og þetta var ágætlega jafn leikur. En svo snerist þetta allt við og það vantaði smá kraft í okkur. „Við létum ýta okkur út úr stöðum og vorum ekki nógu ákveðnir,“ sagði Hjörtur sem kvaðst ekki hafa séð nógu vel hvað gerðist þegar dómararnir vísuðu Reggie af velli. „Ég get eiginlega ekkert sagt um það, ég sá ekki almennilega hvað gerðist,“ sagði þjálfarinn. Keflvíkingar eru með fjögur stig í Domino's deildinni eftir fjórar umferðir, hafa unnið tvo leiki og tapað tveimur. Hjörtur segist vera mátulega sáttur með byrjunina hjá sínu liði. „Við erum búnir að spila við þrjú lið sem var spáð ofar en okkur. Þannig að þetta er ekkert svo slæmt myndi ég segja. Þetta er ásættanleg byrjun,“ sagði Hjörtur að lokum.Tweets by @Visirkarfa3
Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Glæsimörk Mundu eftir tveggja ára bið Fótbolti Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira