Fjögur hundruð stefna til landsins vegna rafíþróttamóts Vésteinn Örn Pétursson skrifar 1. mars 2021 21:29 Ólafur Hrafn Steinarsson er formaður RSÍ. Stöð 2 Eitt stærsta rafíþróttamót heims, League of Legends Mid-Season Invitational, verður haldið í Laugardalshöll í maí. Í framhaldi af því verður í fyrsta skipti haldið alþjóðlegt mót í tölvuleiknum Valorant á sama stað. Framleiðandi leikjanna, Riot Games, staðfesti þetta í dag. Um fjögur hundruð manns munu koma til landsins í tengslum við mótin. Þetta kemur fram í tilkynningu frá Rafíþróttasamtökum Íslands og öðrum sem að mótinu koma. „Alls munu um fjögur hundruð manns koma til landsins í tengslum við þessi tvö mót sem standa samtals yfir í um fjórar vikur. Keppendur og starfsfólk munu í öllu fylgja gildandi sóttvarnarreglum og fara í sóttkví áður en mótið hefst. Einnig verða sýni tekin reglulega úr gestum til að fyrirbyggja að smit komi upp í hópnum. Riot Games hefur verið í beinu samráði við Embætti landlæknis til þess að tryggja að smitvarnir verði með sem bestu móti,“ segir í tilkynningu. Íslandsstofa hafði milligöngu um að koma Riot Games í samband við Reykjavíkurborg og aðra þjónustuaðila sem koma að undirbúning mótsins. Hópurinn sem væntanlegur er hingað í maí mun alls kaupa 8.000 gistinætur á íslenskum hótelum meðan á mótinu stendur, auk þess sem íslenskir þjónustuaðilar koma að framkvæmd mótsins. Í tilkynningunni er mótið sagt gríðarstórt tækifæri til að kynna Reykjavík sem álitlegan áfangastað erlendra ferðamanna. Rafíþróttir í sókn League of Legends er einn vinsælasti tölvuleikur heims og áhorf á beinar útsendingar frá keppnum atvinnumanna njóta gríðarlegra vinsælda. Alls horfðu um 23 milljónir manns á beina útsendingu frá úrslitaleiknum á heimsmeistaramótinu í leiknum sem fram fór í Shanghai í desember síðastliðnum, og um hundrað milljón einstakir áhorfendur fylgdust með útsendingum frá heimsmeistaramótinu 2019. „Rafíþróttir á Íslandi hafa vaxið hratt á undanförnum árum og hefur hluti af verkefnum RÍSÍ verið að koma Íslandi inn á rafíþróttakortið sem spennandi vettvangur fyrir framtíðarhæfileika í rafíþróttum og einstök staðsetning fyrir alþjóðlega rafíþróttaviðburði. Það að fá Riot Games til Íslands með tvo af stærstu rafíþróttaviðburðum heims er gífurleg viðurkenning á þessu starfi og leggur grunninn að því að laða til landsins fleiri stóra rafíþróttaviðburði í framtíðinni. Þá er þetta einstakt tækifæri fyrir Ísland að mynda mikilvæg og sterk tengsl við einstaklinga sem leiða þróun atvinnurafíþrótta á heimsvísu. Ég tel að þegar litið verður til baka yfir sögu Íslands mun koma þessara viðburða til landsins standa upp úr sem stórt skref fyrir Ísland inn í stafrænan heim framtíðarinnar,“ er haft eftir Ólafi Hrafni Steinarssyni, formanni Rafíþróttasamtaka Íslands, í tilkynningunni. Rafíþróttir Reykjavík Mest lesið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Hyggjast halda breytta Söngvakeppni á næsta ári Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Opna fyrstu umboðsstofuna í eigu leikara Menning Fleiri fréttir GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Þetta kemur fram í tilkynningu frá Rafíþróttasamtökum Íslands og öðrum sem að mótinu koma. „Alls munu um fjögur hundruð manns koma til landsins í tengslum við þessi tvö mót sem standa samtals yfir í um fjórar vikur. Keppendur og starfsfólk munu í öllu fylgja gildandi sóttvarnarreglum og fara í sóttkví áður en mótið hefst. Einnig verða sýni tekin reglulega úr gestum til að fyrirbyggja að smit komi upp í hópnum. Riot Games hefur verið í beinu samráði við Embætti landlæknis til þess að tryggja að smitvarnir verði með sem bestu móti,“ segir í tilkynningu. Íslandsstofa hafði milligöngu um að koma Riot Games í samband við Reykjavíkurborg og aðra þjónustuaðila sem koma að undirbúning mótsins. Hópurinn sem væntanlegur er hingað í maí mun alls kaupa 8.000 gistinætur á íslenskum hótelum meðan á mótinu stendur, auk þess sem íslenskir þjónustuaðilar koma að framkvæmd mótsins. Í tilkynningunni er mótið sagt gríðarstórt tækifæri til að kynna Reykjavík sem álitlegan áfangastað erlendra ferðamanna. Rafíþróttir í sókn League of Legends er einn vinsælasti tölvuleikur heims og áhorf á beinar útsendingar frá keppnum atvinnumanna njóta gríðarlegra vinsælda. Alls horfðu um 23 milljónir manns á beina útsendingu frá úrslitaleiknum á heimsmeistaramótinu í leiknum sem fram fór í Shanghai í desember síðastliðnum, og um hundrað milljón einstakir áhorfendur fylgdust með útsendingum frá heimsmeistaramótinu 2019. „Rafíþróttir á Íslandi hafa vaxið hratt á undanförnum árum og hefur hluti af verkefnum RÍSÍ verið að koma Íslandi inn á rafíþróttakortið sem spennandi vettvangur fyrir framtíðarhæfileika í rafíþróttum og einstök staðsetning fyrir alþjóðlega rafíþróttaviðburði. Það að fá Riot Games til Íslands með tvo af stærstu rafíþróttaviðburðum heims er gífurleg viðurkenning á þessu starfi og leggur grunninn að því að laða til landsins fleiri stóra rafíþróttaviðburði í framtíðinni. Þá er þetta einstakt tækifæri fyrir Ísland að mynda mikilvæg og sterk tengsl við einstaklinga sem leiða þróun atvinnurafíþrótta á heimsvísu. Ég tel að þegar litið verður til baka yfir sögu Íslands mun koma þessara viðburða til landsins standa upp úr sem stórt skref fyrir Ísland inn í stafrænan heim framtíðarinnar,“ er haft eftir Ólafi Hrafni Steinarssyni, formanni Rafíþróttasamtaka Íslands, í tilkynningunni.
Rafíþróttir Reykjavík Mest lesið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Hyggjast halda breytta Söngvakeppni á næsta ári Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Opna fyrstu umboðsstofuna í eigu leikara Menning Fleiri fréttir GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira