Bryant aftur með Lakers

Kobe Bryant lék að nýju með Los Angeles Lakers eftir meiðsli. Bryant skoraði 26 stig en það dugði ekki til gegn Cleveland því Lakers tapaði 103-89. Þá vann Chicago Bulls Minnesota 87-83. Kevin McHale stjórnaði Minnesota en Flip Saunders þjálfari var rekinn á laugardag. New York Knicks bar sigurorð af Charlotte 102-99, New Jersey skellti Denver 94-79, Toronto marði sigur á Los Angeles Clippers, 109-106, Sacramento vann Boston 104-100, Orlando lagði New Orleans að velli, 97-94, Indiana vann nauman sigur á Memphis 76-73. Þá lagði Miami San Antonio að velli 96-92. Dirk Nowitski skoraði 31 stig fyrir Dallas þegar liðið bar sigurorð af Seattle, 95-92, og Phoenix lagði Golden State 106-102 eftir framlengingu og loks marði Houston sigur á Portland, 81-80.