Skótískan fer illa með fætur 10. maí 2005 00:01 "Helstu vandamál fólks eru líkþorn, sveppir, niðurgrónar neglur og vörtur," segja Hildur Jakobsdóttir fótaaðgerðafræðingur sem ásamt starfssystur sinni Ólöfu Högnadóttur rekur fótaaðgerðastofu í Spönginni í Grafarvogi. "Svo er ekki síður mikilvægt að veita ráðgjöf varðandi skófatnað og sokka, og meta þörf á innleggjum, en forvarnir eru einmitt mjög mikilvægar í þessu sem öðru." Þær segja þörfina fyrir fótaaðgerðafræðinga mikla og langt í frá að einungis eldra fólk þurfi á þessari þjónustu að halda. "Hér kemur fólk frá tveggja ára aldri og upp í nírætt. Það var meira að segja nýlega hjá okkur níu mánaða barn, en neglur ungbarna eru oft svo þunnar og flatar og vaxa þannig að það þarf að grípa inn í." Meðferð á fótum getur tekið nokkurn tíma þótt stundum sé einn tími nóg. "Líkþorn koma til dæmis eftir álag á fótinn í langan tíma og þau verður að skera af og létta svo álaginu á viðkomandi stað. Inngrónar neglur þarf oft að spengja svo þær geti vaxið eðlilega og allt getur þetta tekið nokkur skipti." Hildur og Ólöf segja skótískuna eins og hún hefur verið undanfarin misseri hræðilega fyrir fæturna. "Támjóir skór fara mjög illa með fæturna, maður getur bara ímyndað sér ef höndunum væri troðið ofan í hanska sem væru svona í laginu hvernig það færi með þær. Um 80% vandamála sem snerta fætur stafa af röngum skófatnaði. Það getur svo undið upp á sig og valdið áframhaldandi vandamálum í ökklum eða hnjám," segir Ólöf. En hvenær er þörf á að leita til fótaaðgerðafræðings? "Fólk hefur tilhneigingu til að vanrækja á sér fæturna. Þeir sem eru aktívir í daglegu lífi þurfa að hugsa vel um fæturna og bara að vera þreyttur í fótunum er næg ástæða til að koma og fá ráðleggingar." Þær stöllur segjast þó verða varar við aukningu, ekki síst þegar vorar. "Þá koma þeir sem sjást ekki reglulega, fólk sem vill hafa flotta fætur í sandalana. En fótaaðgerðir geta skipt sköpum um líðan fólks og ástæða til að hvetja fólk til að láta ekki fæturna mæta afgangi þegar það vill gera vel við sig." Heilsa Mest lesið Sjóðheitar og einhleypar inn í haustið Lífið Kristófer Helga í veikindaleyfi Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Janet Jackson biðst afsökunar á undarlegum ummælum Lífið Hjálmari Erni leið eins og manninum í Slumdog Millionaire í Kviss Lífið Borðar það sem alltaf hefur verið til og léttist og léttist Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Helstu vandamál fólks eru líkþorn, sveppir, niðurgrónar neglur og vörtur," segja Hildur Jakobsdóttir fótaaðgerðafræðingur sem ásamt starfssystur sinni Ólöfu Högnadóttur rekur fótaaðgerðastofu í Spönginni í Grafarvogi. "Svo er ekki síður mikilvægt að veita ráðgjöf varðandi skófatnað og sokka, og meta þörf á innleggjum, en forvarnir eru einmitt mjög mikilvægar í þessu sem öðru." Þær segja þörfina fyrir fótaaðgerðafræðinga mikla og langt í frá að einungis eldra fólk þurfi á þessari þjónustu að halda. "Hér kemur fólk frá tveggja ára aldri og upp í nírætt. Það var meira að segja nýlega hjá okkur níu mánaða barn, en neglur ungbarna eru oft svo þunnar og flatar og vaxa þannig að það þarf að grípa inn í." Meðferð á fótum getur tekið nokkurn tíma þótt stundum sé einn tími nóg. "Líkþorn koma til dæmis eftir álag á fótinn í langan tíma og þau verður að skera af og létta svo álaginu á viðkomandi stað. Inngrónar neglur þarf oft að spengja svo þær geti vaxið eðlilega og allt getur þetta tekið nokkur skipti." Hildur og Ólöf segja skótískuna eins og hún hefur verið undanfarin misseri hræðilega fyrir fæturna. "Támjóir skór fara mjög illa með fæturna, maður getur bara ímyndað sér ef höndunum væri troðið ofan í hanska sem væru svona í laginu hvernig það færi með þær. Um 80% vandamála sem snerta fætur stafa af röngum skófatnaði. Það getur svo undið upp á sig og valdið áframhaldandi vandamálum í ökklum eða hnjám," segir Ólöf. En hvenær er þörf á að leita til fótaaðgerðafræðings? "Fólk hefur tilhneigingu til að vanrækja á sér fæturna. Þeir sem eru aktívir í daglegu lífi þurfa að hugsa vel um fæturna og bara að vera þreyttur í fótunum er næg ástæða til að koma og fá ráðleggingar." Þær stöllur segjast þó verða varar við aukningu, ekki síst þegar vorar. "Þá koma þeir sem sjást ekki reglulega, fólk sem vill hafa flotta fætur í sandalana. En fótaaðgerðir geta skipt sköpum um líðan fólks og ástæða til að hvetja fólk til að láta ekki fæturna mæta afgangi þegar það vill gera vel við sig."
Heilsa Mest lesið Sjóðheitar og einhleypar inn í haustið Lífið Kristófer Helga í veikindaleyfi Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Janet Jackson biðst afsökunar á undarlegum ummælum Lífið Hjálmari Erni leið eins og manninum í Slumdog Millionaire í Kviss Lífið Borðar það sem alltaf hefur verið til og léttist og léttist Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira