New Orleans spilar í Oklahoma

NBA liði New Orleans Hornets hefur verið gert kleift að spila heimaleiki sína í deildarkeppninni í vetur í Oklahoma City, eftir að ekki þótti reynandi að spila leiki liðsins í New Orleans vegna náttúruhamfaranna á dögunum. Tilkynnt hefur verið að 35 af heimaleikjum liðsins verði háðir í Oklahoma, en síðustu sex leikirnir fara fram í Baton Rouge. Liðið mun taka upp nafn beggja borga í vetur og fyrir liggur að liðið fái að halda áfram að spila í Oklahoma næsta vetur ef með þarf.