Þrándur í Götu mættur 18. október 2006 08:00 Nýtt bindi er komið út í hinni viðamiklu útgáfu Hins íslenska fornritafélags á textum miðalda sem hófust með útgáfu Sigurðar Nordal á Egils sögu 1933. Félagið var stofnað að frumkvæði Jóns Ásbjörnssonar hæstarréttarlögmanns 1928 og sótti hann fyrirmyndina að útgáfuhugmyndum sínum til Þýskalands en þar hafði komið út frá 1892 stórt safn norrænna texta, Altnordische Saga- Bibliotek og lauk þeirri útgáfu ekki fyrr en 1929. Tilgangur með útgáfu Fornritafélagsins hélst í hendur við vaxandi forræði íslenskra fræðimanna í textarannsóknum hér heima sem höfðu um langan aldur verið í höndum norrænna manna, þar á meðal íslenskra fræðimanna í Kaupmannahöfn. Stefndi Fornritafélagið að vönduðum fræðilegum útgáfum á fornritum, fyrst og fremst Íslendingasögum, en við bættust fleiri ritflokkar frá miðöldum: Biskupasögur, Heimskringla og fleiri rit. Er ætlun manna þar á bæ að út komi í ritröðinni, sem nú telur 23 bindi, lögbækur, vísindatextar, annálar, fornkvæði, ýmsar þýðingar, riddarasögur og ævintýri. Er ritröðin metnaðarfyllsta verkefni íslenskra fræða fyrr og síðar. Nýja bindið er sett saman af útgáfum Ólafs Halldórssonar á Færeyingasögu og áður óútgefinni Ólafs sögu Tryggvasonar eftir Odd Snorrason. Er bindið það tuttugasta og fimmta í ritröðinni sem enn er götótt því hún er komin í töluröðina 35 þegar allt er talið. Færeyingasaga kom fyrst út í útgáfu Ólafs í skólabókarútgáfu, en í útgáfum Fornritafélagsins er stefnt að útgáfum sem eru í senn almenningi til lestrar og eru unnar á fræðilegan hátt. Þar skilja útgáfur Fornritafélagsins sig frá svokölluðum alþýðuútgáfum eins og útgáfu Valdimars Ásmundssonar í byrjun tuttugustu aldar og útgáfu Svarts á hvítu. Þá ber að nefna útgáfur Halldórs Laxness á völdum Íslendingasögum sem brutu þá reglu sem viðhöfð er í útgáfum Fornritafélagsins að textarnir eru með samræmdri stafsetningu fornri en ekki gildandi réttritun hvers tíma. Færeyingasaga er saga Götuskeggja, höfðingjaættar sem kennt er við Götu í Austurey aðalhetja sögunnar er Þrándur í Götu sem lifir góðu lífi í orðatiltæki enn þann dag í dag. Saga Odds Snorrasonar er í ætt við helgisögur en er með elstu heimildum um Ólaf konung og setur hann á stall með dýrðlingum, einkum Jóhannesi skírara. Í útgáfunni er ítarlegur formáli eftir Ólaf Halldórsson. Þá fylgja útgáfunni kort og ættartré auk sextán myndasíða. Er útgáfan öll hin vandaðasta, bundin og prentuð í Odda. Ritstjórar eru þeir Jónas Kristjánsson og Þórður Ingi Guðjónsson. Á næstu árum eru væntanleg á prent á vegum Fornritafélagsins tvö bindi Biskupasagna, Eddukvæði í tveimur bindum, Snorra Edda í tveimur bindum, Sturlunga í fjórum bindum, fornaldarsögur í fjórum bindum, Hákonar saga Hákonarsonar og Morkinskinna. Undrum sætir hversu hægt útgáfan hefur gengið fram og er þar fyrst um að kenna fálæti stjórnvalda. Þeim lætur betur að tala um menningararfinn en kosta hann. Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Stjörnulífið: „Set jólatréð upp í október eftir þetta ár“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Lítill bróðir mættur: „Fullkominn, stór og sterkur“ Lífið Hjálmari Erni leið eins og manninum í Slumdog Millionaire í Kviss Lífið Ein lausn er að liggja hlið við hlið og fróa sér Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Nýtt bindi er komið út í hinni viðamiklu útgáfu Hins íslenska fornritafélags á textum miðalda sem hófust með útgáfu Sigurðar Nordal á Egils sögu 1933. Félagið var stofnað að frumkvæði Jóns Ásbjörnssonar hæstarréttarlögmanns 1928 og sótti hann fyrirmyndina að útgáfuhugmyndum sínum til Þýskalands en þar hafði komið út frá 1892 stórt safn norrænna texta, Altnordische Saga- Bibliotek og lauk þeirri útgáfu ekki fyrr en 1929. Tilgangur með útgáfu Fornritafélagsins hélst í hendur við vaxandi forræði íslenskra fræðimanna í textarannsóknum hér heima sem höfðu um langan aldur verið í höndum norrænna manna, þar á meðal íslenskra fræðimanna í Kaupmannahöfn. Stefndi Fornritafélagið að vönduðum fræðilegum útgáfum á fornritum, fyrst og fremst Íslendingasögum, en við bættust fleiri ritflokkar frá miðöldum: Biskupasögur, Heimskringla og fleiri rit. Er ætlun manna þar á bæ að út komi í ritröðinni, sem nú telur 23 bindi, lögbækur, vísindatextar, annálar, fornkvæði, ýmsar þýðingar, riddarasögur og ævintýri. Er ritröðin metnaðarfyllsta verkefni íslenskra fræða fyrr og síðar. Nýja bindið er sett saman af útgáfum Ólafs Halldórssonar á Færeyingasögu og áður óútgefinni Ólafs sögu Tryggvasonar eftir Odd Snorrason. Er bindið það tuttugasta og fimmta í ritröðinni sem enn er götótt því hún er komin í töluröðina 35 þegar allt er talið. Færeyingasaga kom fyrst út í útgáfu Ólafs í skólabókarútgáfu, en í útgáfum Fornritafélagsins er stefnt að útgáfum sem eru í senn almenningi til lestrar og eru unnar á fræðilegan hátt. Þar skilja útgáfur Fornritafélagsins sig frá svokölluðum alþýðuútgáfum eins og útgáfu Valdimars Ásmundssonar í byrjun tuttugustu aldar og útgáfu Svarts á hvítu. Þá ber að nefna útgáfur Halldórs Laxness á völdum Íslendingasögum sem brutu þá reglu sem viðhöfð er í útgáfum Fornritafélagsins að textarnir eru með samræmdri stafsetningu fornri en ekki gildandi réttritun hvers tíma. Færeyingasaga er saga Götuskeggja, höfðingjaættar sem kennt er við Götu í Austurey aðalhetja sögunnar er Þrándur í Götu sem lifir góðu lífi í orðatiltæki enn þann dag í dag. Saga Odds Snorrasonar er í ætt við helgisögur en er með elstu heimildum um Ólaf konung og setur hann á stall með dýrðlingum, einkum Jóhannesi skírara. Í útgáfunni er ítarlegur formáli eftir Ólaf Halldórsson. Þá fylgja útgáfunni kort og ættartré auk sextán myndasíða. Er útgáfan öll hin vandaðasta, bundin og prentuð í Odda. Ritstjórar eru þeir Jónas Kristjánsson og Þórður Ingi Guðjónsson. Á næstu árum eru væntanleg á prent á vegum Fornritafélagsins tvö bindi Biskupasagna, Eddukvæði í tveimur bindum, Snorra Edda í tveimur bindum, Sturlunga í fjórum bindum, fornaldarsögur í fjórum bindum, Hákonar saga Hákonarsonar og Morkinskinna. Undrum sætir hversu hægt útgáfan hefur gengið fram og er þar fyrst um að kenna fálæti stjórnvalda. Þeim lætur betur að tala um menningararfinn en kosta hann.
Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Stjörnulífið: „Set jólatréð upp í október eftir þetta ár“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Lítill bróðir mættur: „Fullkominn, stór og sterkur“ Lífið Hjálmari Erni leið eins og manninum í Slumdog Millionaire í Kviss Lífið Ein lausn er að liggja hlið við hlið og fróa sér Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira