Sigurjónssýning í Friðriksborgarhöll 3. júlí 2007 05:00 Sigurjón Ólafsson í vinnustofu sinni í Laugarnesi 1977. Ljósmynd: Mats Vibe Lund. Mannamyndir Sigurjóns Ólafssonar verða efni í sýningu haustið 2008 á Nationalhistorisk Museum á Friðriksborgarsloti. Hingað komu í liðinni viku þrír sérfræðingar á vegum safnsins í Hilleröd til að velja verkin í samráði við Birgitte Spur, forstöðukonu Sigurjónssafns í Laugarnesi og ekkju Sigurjóns. Safn Sigurjóns er eitt besta skráða safn íslensk myndlistarmanns og hefur Birgitte lagt mikla áherslu á að ná saman fullkominni skrá yfir verk listamannsins. Er framtak hennar til fyrirmyndar íslenskum söfnum. Sú heildarskrá verka Sigurjóns gerir enda eftirleikinn auðveldari: valið var erfitt en áhersla er lögð á verk úr steini og málmum, einkum standverk, bæði brjóstmyndir og stærri styttur. Sigurjón var afkastamikill á þessu sérstka sviði höggmyndalistarinnar en mannamyndir og portrett eru algengari hér á landi en marga grunar. Þeim hefur ekki verið hampað sérstaklega og fræðingar ekki lagt sig eftir að greina þróun þeirra og viðgang utan lítillar sýningar sem tekin var saman fyrir fáum árum á vegum Hafnarborgar.Mannamyndasafnið á friðriksborg Sögusafnið á Friðriksborgarsloti geymir mikið safnefni frá eldri tíma en þar er einnig mannamyndadeild sem tekur til verka frá upphafi tuttugustu aldar til okkar daga. Hingað er væntanleg í haust stór sýning sem sýnir mannamyndir frá öllum Norðurlöndunum sem efnt var til síðla vetrar en hér verður hún í Hafnarborg á komandi hausti og heldur síðan ferð áfram til allra Norðurlandanna. Kom þeim í Nationalhistorisk-safninu á óvart hvað mikið barst af mannamyndum frá ungum og eldri myndlistarmönnum, þar á meðal íslenskum. Gera menn þar á bæ sér vonir um að hægt verði að efna til slíkrar samnorrænnar sýningar reglulega og hafa enda góða reynslu af mannamyndasöfnum víða í Evrópu þar sem þessi grein er virtari en hún er hér á landi. Sagði Mette Skovgaard, einn þremenninganna að nefna mætti frábæra aðsókn á National Potrait Museum í London.Geymsla á Eyrarbakka Sigurjónssafn verður opið í sumar og má búast við að þar verði tónleikahald eins og fyrri sumur. Að sögn Birgitte standa starfsmenn safnins, sem er sjálfseignarstofnun, nú í stórræðum: verið er að leggja af eldri geymslu þess og koma verkum fyrir í nýrri geymslu á Eyrarbakka, fæðingarstað Sigurjóns, þar sem menn tóku fyrst eftir óvenjulegum teiknigáfum hans. Viðfangsefni Sigurjóns í höggmyndum af lifandi mönnum voru margs konar, sumar unnar beint í stein eins og fræg mynd hans af Sigurði Nordal, aðrar unnar í mýkri efni, gifs og leir en síðan umsteyptar í málm. Það má teljast mikill heiður að Sigurjónssafni skuli boðið að setja sýningu upp á Friðriksborgarsloti: höllin stendur á fornum grunni og geymir ekki aðeins stórkostlega minjar um tíð fyrri konunga okkar, veldi þeirra og ríkidæmi, heldur líka afar forvitnilegt safn málverka af mönnum sem margir Íslendingar þekkja. Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Mannamyndir Sigurjóns Ólafssonar verða efni í sýningu haustið 2008 á Nationalhistorisk Museum á Friðriksborgarsloti. Hingað komu í liðinni viku þrír sérfræðingar á vegum safnsins í Hilleröd til að velja verkin í samráði við Birgitte Spur, forstöðukonu Sigurjónssafns í Laugarnesi og ekkju Sigurjóns. Safn Sigurjóns er eitt besta skráða safn íslensk myndlistarmanns og hefur Birgitte lagt mikla áherslu á að ná saman fullkominni skrá yfir verk listamannsins. Er framtak hennar til fyrirmyndar íslenskum söfnum. Sú heildarskrá verka Sigurjóns gerir enda eftirleikinn auðveldari: valið var erfitt en áhersla er lögð á verk úr steini og málmum, einkum standverk, bæði brjóstmyndir og stærri styttur. Sigurjón var afkastamikill á þessu sérstka sviði höggmyndalistarinnar en mannamyndir og portrett eru algengari hér á landi en marga grunar. Þeim hefur ekki verið hampað sérstaklega og fræðingar ekki lagt sig eftir að greina þróun þeirra og viðgang utan lítillar sýningar sem tekin var saman fyrir fáum árum á vegum Hafnarborgar.Mannamyndasafnið á friðriksborg Sögusafnið á Friðriksborgarsloti geymir mikið safnefni frá eldri tíma en þar er einnig mannamyndadeild sem tekur til verka frá upphafi tuttugustu aldar til okkar daga. Hingað er væntanleg í haust stór sýning sem sýnir mannamyndir frá öllum Norðurlöndunum sem efnt var til síðla vetrar en hér verður hún í Hafnarborg á komandi hausti og heldur síðan ferð áfram til allra Norðurlandanna. Kom þeim í Nationalhistorisk-safninu á óvart hvað mikið barst af mannamyndum frá ungum og eldri myndlistarmönnum, þar á meðal íslenskum. Gera menn þar á bæ sér vonir um að hægt verði að efna til slíkrar samnorrænnar sýningar reglulega og hafa enda góða reynslu af mannamyndasöfnum víða í Evrópu þar sem þessi grein er virtari en hún er hér á landi. Sagði Mette Skovgaard, einn þremenninganna að nefna mætti frábæra aðsókn á National Potrait Museum í London.Geymsla á Eyrarbakka Sigurjónssafn verður opið í sumar og má búast við að þar verði tónleikahald eins og fyrri sumur. Að sögn Birgitte standa starfsmenn safnins, sem er sjálfseignarstofnun, nú í stórræðum: verið er að leggja af eldri geymslu þess og koma verkum fyrir í nýrri geymslu á Eyrarbakka, fæðingarstað Sigurjóns, þar sem menn tóku fyrst eftir óvenjulegum teiknigáfum hans. Viðfangsefni Sigurjóns í höggmyndum af lifandi mönnum voru margs konar, sumar unnar beint í stein eins og fræg mynd hans af Sigurði Nordal, aðrar unnar í mýkri efni, gifs og leir en síðan umsteyptar í málm. Það má teljast mikill heiður að Sigurjónssafni skuli boðið að setja sýningu upp á Friðriksborgarsloti: höllin stendur á fornum grunni og geymir ekki aðeins stórkostlega minjar um tíð fyrri konunga okkar, veldi þeirra og ríkidæmi, heldur líka afar forvitnilegt safn málverka af mönnum sem margir Íslendingar þekkja.
Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira