Stelpurnar hlutu silfur í körfunni

Íslenska kvennalandsliðið í körfubolta tryggði sér silfurverðlaun á Smáþjóðaleikunum með sigri á Kýpur í dag. Leikurinn vannst með tíu stigum, 61-51.

Að því er kemur fram á heimasíðu KKÍ voru grísku dómararnir Íslendingum ekki hliðhollir og leyfðu lítið sem ekkert. Tap gegn Möltu í upphafi mótsins kom í veg fyrir gullið sem þær maltnesku hrepptu.

Stigahæstar í íslenska liðinu í dag voru þær Helena Sverrisdóttir með 19 stig en Birna Valgarðsdóttir skoraði 15.