Rihanna syngur á nýju plötu Coldplay

Breska hljómsveitin Coldplay hefur tekið upp dúett með bandarísku söngkonunni Rihönnu. Lagið heitir Princess of China og verður að finna á plötunni Mylo Xyloto sem kemur út 24. október.

„Lögin á plötunni mynda eina heild. Strákar og stelpur eru aðalpersónurnar og efst á listanum hjá stelpunum var Rihanna en það tók okkur smá tíma að safna kjarki til að spyrja hana,“ sagði söngvarinn Chris Martin. „Hún hefur ótrúlega rödd og hún er mjög ólík minni.“