Óvinsæll skófatnaður

Rihanna hefur verið harðlega gagnrýnd af PETA-samtökunum fyrir að hafa klæðst stígvélum úr snákaskinni. Rihanna sagði eitt sinn í viðtali við Ellen DeGeneres að hún hefði óbeit á loðfeldum.

"Rihanna veit kannski ekki að snákar eru gjarnan negldir við trjástofna og fláðir lifandi. Að klæðast snákaskinni er ógeðfellt og illgjarnt. Þær Lady Gaga virðast vilja vera þekktar fyrir að líta út eins og viðundur frekar en hæfileika sína," stóð í yfirlýsingu frá samtökunum.