Eyþór Ingi á Þjóðhátíð

Eurovision-stjarnan Eyþór Ingi Gunnlaugsson hefur bæst við þá listamenn sem stíga á svið á Þjóðhátíð í Eyjum um verslunarmannahelgina.

Hljómsveitin vinsæla Jónas Sigurðsson og Ritvélar framtíðarinnar spilar einnig á hátíðinni og því er ljóst að gestir Þjóðhátíðar geta valið úr góðum tónlistaratriðum þessa helgi.

Á meðal annarra sem koma fram eru Skálmöld, GusGus, Páll Óskar, Helgi Björnsson, Bubbi Morthens, Sálin, Ásgeir Trausti og Stuðmenn.