Jay Z 45 ára í dag: Kíkið á hans bestu stundir á sviði með Beyoncé

Lilja Katrín Gunnarsdóttir skrifar 4. desember 2014 15:30

Rapparinn Jay Z, sem heitir réttu nafni Shawn Corey Carter, er 45 ára í dag. Hann dvelur á Íslandi ásamt eiginkonu sinni, Beyoncé og fjölskyldu sinni og heldur upp á afmælið í kvöld samkvæmt heimildum Vísis.

Jay Z hefur notið mikillar velgengni í tónlistarbransanum og er meðal þeirra listamanna sem hefur selt flestar plötur í heiminum en hann hefur selt meira en 75 milljónir platna á heimsvísu. Eins hefur hann fengið 19 Grammy-verðlaun fyrir tónlistarsköpun sína og fjöldan allan af tilnefningum.

Þau hjónin hafa margoft unnið saman og Lífið á Vísi kíkti á nokkrar af þeirra bestu stundum saman á sviði.

MTV árið 2002

Beyoncé og Jay Z mættu í myndver MTV í New York, bæði klædd í gallaklæðnað, og fluttu lagið '03 Bonnie & Clyde.

BET-verðlaunin árið 2003

Stjörnuhjónin fluttu slagarann Crazy in Love á BET-verðlaununum árið 2003.

MTV Video Music-verðlaunin árið 2003

Jay Z mætti til að styðja sína konu er hún tók lögin Baby Boy og Crazy in Love.

Black-tónleikaferðalag Jay Z árið 2003

Beyoncé mætti á tónleika Jay Z í Madison Square Garden í New York og tók lögin Crazy in Love og Baby Boy.

Urban-tónlistarhátíðin árið 2004

Parið flutti lagið Crazy in Love á hátíðinni í London.

Bet-verðlaunin árið 2006

Hjónin gerðu allt vitlaust með laginu Deja Vu á hátíðinni.

Fashion Rocks árið 2006

Bey og Jay hlóðu líka í Deja Vu á þessum viðburði.

Home & Home-tónleikaferðalag Jay Z og Eminem árið 2010

Þetta er í fyrsta sinn sem Beyoncé og Jay Z komu saman fram á sviði sem hjón og fluttu þau lagið Young Forever.

Coachella-tónlistarhátíðin árið 2010

Parið tók líka lagið Young Forever á Coachella.

Twickenham Stadium árið 2013

Jay Z smellti kossi á eiginkonu sína, eitthvað sem sést ekki á hverjum degi, þegar þau fluttu Crazy in Love í London.