Fjórða hvert bílslys í Bandaríkjunum er vegna símnotkunar Finnur Thorlacius skrifar 2. júní 2015 08:46 Síminn virðist vera hættulegasta tækið í Bandarískri umferð. Rannsóknargögn frá lögreglunni í Bandaríkjunum sýna að ríflega fjórða hvert bílslys sem þar verður er sökum símnotkunar ökumanna. Það kemur ef til vill ekki mikið á óvart ef rýnt er í niðurstöður nýlegrar könnunar þar í landi sem gerð var af National Safety Council og símafyrirtækinu AT&T. Þar kemur í ljós að 61% ökumanna senda textaskilaboð í akstri, 33% lesa eða skrifa tölvupóst, 28% nota netið og 27% eru á Facebook við aksturinn. Þetta er sláandi niðurstöður og ef til vill er staðreyndin ennþá verri þar sem ekki allir viðurkenna ósiði sína í könnunum. Könnunin sýndi einnig að 27% ökumanna telja að þeir geti með öruggum hætti tekið myndskeið á síma sína í akstri. Ein 17% ökumanna taka „selfie“ myndir af sér, 14% eru á Twitter, 14% á Instagram og 10% viðurkenna að vera á myndtali í akstri. Þegar fólk var spurt að því af hverju það væri á samfélagsmiðlum í akstri sögðu 22% að það væri háð þeim. Nýjustu tölur um ástæðu bílslysa í Bandaríkjunum sýna að 27% þeirra eru vegna símnotkunar og hefur sú tala sífellt hækkað á undanförnum árum. Bent hefur verið á það að þessi tala er líklega talsvert vanmetin þar sem fólk vill treglega viðurkenna það sem ástæðu slyss og oft er auðvelt að fela slíkt þó slys eigi sér stað. Fjörutíu og sex ríki Bandaríkjanna banna með lögum að skrifa skilaboð á síma í akstri, en aðeins 14 ríki banna það að tala í síma í akstri. Samkvæmt þessari nýju könnun eru þessi lög ekki að virka og meirihuti fólks brýtur þau. Mest lesið Sænsk glæpagengi sendi fólk til Íslands Innlent Gekk nakinn í veg fyrir bíla á Suðurlandsvegi Innlent Skiptast á eldflaugum í massavís Erlent Fannst 73 árum eftir að hafa verið rænt Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Jörðin fær tímabundið annað tungl Erlent Alþingismerkið hafi aldrei verið heilagt Innlent Mættu í flugbúningi á sveitaböllin og áttu séns Innlent
Rannsóknargögn frá lögreglunni í Bandaríkjunum sýna að ríflega fjórða hvert bílslys sem þar verður er sökum símnotkunar ökumanna. Það kemur ef til vill ekki mikið á óvart ef rýnt er í niðurstöður nýlegrar könnunar þar í landi sem gerð var af National Safety Council og símafyrirtækinu AT&T. Þar kemur í ljós að 61% ökumanna senda textaskilaboð í akstri, 33% lesa eða skrifa tölvupóst, 28% nota netið og 27% eru á Facebook við aksturinn. Þetta er sláandi niðurstöður og ef til vill er staðreyndin ennþá verri þar sem ekki allir viðurkenna ósiði sína í könnunum. Könnunin sýndi einnig að 27% ökumanna telja að þeir geti með öruggum hætti tekið myndskeið á síma sína í akstri. Ein 17% ökumanna taka „selfie“ myndir af sér, 14% eru á Twitter, 14% á Instagram og 10% viðurkenna að vera á myndtali í akstri. Þegar fólk var spurt að því af hverju það væri á samfélagsmiðlum í akstri sögðu 22% að það væri háð þeim. Nýjustu tölur um ástæðu bílslysa í Bandaríkjunum sýna að 27% þeirra eru vegna símnotkunar og hefur sú tala sífellt hækkað á undanförnum árum. Bent hefur verið á það að þessi tala er líklega talsvert vanmetin þar sem fólk vill treglega viðurkenna það sem ástæðu slyss og oft er auðvelt að fela slíkt þó slys eigi sér stað. Fjörutíu og sex ríki Bandaríkjanna banna með lögum að skrifa skilaboð á síma í akstri, en aðeins 14 ríki banna það að tala í síma í akstri. Samkvæmt þessari nýju könnun eru þessi lög ekki að virka og meirihuti fólks brýtur þau.
Mest lesið Sænsk glæpagengi sendi fólk til Íslands Innlent Gekk nakinn í veg fyrir bíla á Suðurlandsvegi Innlent Skiptast á eldflaugum í massavís Erlent Fannst 73 árum eftir að hafa verið rænt Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Jörðin fær tímabundið annað tungl Erlent Alþingismerkið hafi aldrei verið heilagt Innlent Mættu í flugbúningi á sveitaböllin og áttu séns Innlent