Umfjöllun, viðtöl og einkunnir: ÍA - Fjölnir 4-4 | ÍA kastaði frá sér sigrinum en bjargaði stigi Guðmundur Marinó Ingvarsson á Norðurálsvellinum skrifar 24. ágúst 2015 09:48 Ásgeir Marteinsson er mikilvægur í sóknarleik Skagamanna. vísir/valli ÍA og Fjölnir gerðu jafntefli 4-4 í Pepsí deild karla í fótbolta í kvöld í hreint ótrúlegum leik. ÍA var 3-2 yfir í hálfleik. Leikurinn var vægast sagt kafla skiptur. Hann fór nokkuð rólega af stað en ÍA komst engu að síður yfir strax á 16. mínútu eftir skelfileg mistök fyrirliða Fjölnis, Bergsveins Ólafssonar. Fjölnir sótti mikið eftir markið og náði að jafna metin en mínútu síðar komst ÍA aftur yfir og upphófst þá mikil einstefna að marki Fjölnis. Varnarmenn Fjölnis virtust gjörsamlega týndir og komst ÍA verðskuldað í 3-1 þegar skammt var eftir af fyrri hálfleik og hefðu í raun getað farið með meiri mun inn í hálfleikinn en það varð ekki því upp úr þurru minnkaði Fjölnir muninn í eitt mark fyrir hálfleik og galopnaði leikinn. Markið hleypti trú í lið Fjölnis og gátu leikmenn og þjálfari liðsins prísað sig sæla að vera aðeins marki undir í hálfleik eftir mikla yfirburði heimamanna, sérstaklega seinni hluta hálfleiksins. Markið undir lok fyrri hálfleiks hleypti augljósum ótta í lið ÍA sem þurfti sárlega á stigunum að halda í fallbaráttunni og er leið á seinni hálfleik þyngdust sóknir Fjölnis sem náði að komast yfir með tveimur keimlíkum mörkum. ÍA virtist því hafa gloprað unnum leik niður í tap en annan leikinn í röð fékk Fjölnir jöfnunarmark á sig undir lokin og varð að sætta sig við tvö töpuð stig í baráttunni um Evrópusæti og má telja að stigin fjögur sem liðið hefur misst gegn Val og ÍA á einni viku séu of mikið til að liðið geti náð KR eða Breiðabliki að stigum í Evrópusæti. ÍA tekur aftur á móti stiginu fagnandi úr því sem komið var en liðið er nú fjórum stigum frá fallsæti þegar fimm umferðir eru eftir af Pepsí deildinni. Varnarmenn beggja liða vilja eflaust gleyma þessum leik sem fyrst. Nánast enginn þeirra náði sér á strik í leiknum en mörg falleg sóknartilþrif sáust í leiknum. Aron Sigurðarson fór fyrir Fjölni fram á við og þeirra lang bestur í fyrri hálfleik þó Mark Magee hafi skoraði bæði mörk liðsins. Aron skoraði fyrra mark Fjölnis í seinni hálfleik og lagði hitt upp. Jón Vilhelm Ákason átti góðan leik fyrri ÍA og skoraði tvö mörk. Garðar Gunnlaugsson stóð einnig fyrir sínu og var réttur maður á réttum stað í lokin þegar hann nýtti sér að samherji sinn Arsenij Buinickij hitti ekki boltann sem barst þá til Garðars sem jafnaði leikinn í lokin. Garðar: Heppinn að Arsenij hittir ekki boltann„Það er gríðarlega svekkjandi að missa þetta forskot,“ sagði Garðar Gunnlaugsson hetja ÍA í kvöld en hann var allt annað en sáttur við umdeilt þriðja mark Fjölnis í leiknum. „Mér fannst þetta vera klárt brot í þriðja markinu hjá þeim en úr því sem komið er tökum við þetta stig.“ Garðar sagði mark Fjölnis undir lok fyrri hálfleiks vera vendipunkt leiksins. „Það gefur þeim auka kraft og við förum svekktir inn í hálfleik og náum ekki að fylgja fyrri hálfeiknum eftir í byrjun seinni. Þeir ganga á lagið og maður heyrir á þeim að það er meiri talandi og barátta í þeim í seinni hálfleik. „Um leið og ég sá að Manni (Ármann Smári Björnsson) fór í boltann þá vissi ég að hann myndi skalla þangað og svo var ég heppinn að Arsenij hittir ekki boltann og geng á lagið,“ sagði Garðar léttur. „Þetta er töluvert skárra en hinir tveir leikirnir á móti Fjölni og þetta telur allt. Við erum komnir með 18 stig núna og eigum Fylki næst. Við tökum þrjú stig þar,“ sagði Garðar en Fjölnir hafði unnið ÍA í tvígang fyrr á tímabilinu næsta örugglega. Ágúst: Súrt að tapa þessu niður í jafntefli„Við mættum ekki í fyrri hálfleikinn og ótrúlegt að þetta spilist þannig að við skorum tvö og fáum á okkur þrjú,“ sagði Ágúst Þór Gylfason þjálfari Fjölnis. „Fyrri hálfleikurinn var ekki góður en ég var alveg klár á því að við kæmum mikið betri út í seinni hálfleikinn og við gerðum það og stýrum leiknum til að byrja með og setjum á þá tvö frábær mörk. „Þetta var alveg við það að detta inn hjá okkur, þrjú stig, en þá gerist það annan leikinn í röð að við fáum á okkur mark alveg í lokin og það er ekki gott fyrir okkur í okkar stöðu,“ sagði Ágúst en Fjölnir tapaði einnig tveimur stigum með marki seint í leiknum gegn Val í síðustu umferð. Ágúst er þó ekki búinn að gefast upp í baráttunni um Evrópusæti þó erfitt verði að ná KR eða Breiðabliki úr þessu. „Við eigum enn möguleika og höldum áfram okkar stefnu að okkar markmiðum en við þurfum að fara að vinna fótboltaleiki og það er fúlt og súrt að hafa tapað þessum tveimur síðustu leikjum niður í jafntefli. Það gefur okkur lítið í þessari stöðu.“ Ágúst leit ekki á sem svo að annað mark Fjölnis seint í fyrri hálfleik hafi verið vendipunktur leiksins. „Ég er klár á því að þó staðan hafi verið 3-1 þá hefðum við alltaf komið okkur inn í leikinn. Við vorum alltaf með í leiknum í seinni hálfleik og stóðum okkur mjög vel og sýndum mikinn karakter og þess vegna er svo fúlt að fá þetta á sig alveg í lokin. Þetta verður erfið vika fyrir okkur. „Við gerðum skiptingar í seinni hálfleik sem breytu stemningunni í liðinu en þegar þú mætir ekki í fótboltaleikinn í fyrri hálfleik þá fer illa og við gáfum þeim eftir mikið svæði og þeir refsuðu okkur fyrir lélegan varnarleik,“ sagði Ágúst. Pepsi Max-deild karla Mest lesið Bein útsending: Bakgarðshlaupið í Heiðmörk Sport Uppgjörið: KA bikarmeistari í fyrsta sinn Íslenski boltinn Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Bað börnin sín afsökunar á dánarbeðinum Fótbolti Gestirnir ívið betri en engin mörk skoruð Enski boltinn Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Díaz með tvö og Liverpool tyllti sér á toppinn Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira
ÍA og Fjölnir gerðu jafntefli 4-4 í Pepsí deild karla í fótbolta í kvöld í hreint ótrúlegum leik. ÍA var 3-2 yfir í hálfleik. Leikurinn var vægast sagt kafla skiptur. Hann fór nokkuð rólega af stað en ÍA komst engu að síður yfir strax á 16. mínútu eftir skelfileg mistök fyrirliða Fjölnis, Bergsveins Ólafssonar. Fjölnir sótti mikið eftir markið og náði að jafna metin en mínútu síðar komst ÍA aftur yfir og upphófst þá mikil einstefna að marki Fjölnis. Varnarmenn Fjölnis virtust gjörsamlega týndir og komst ÍA verðskuldað í 3-1 þegar skammt var eftir af fyrri hálfleik og hefðu í raun getað farið með meiri mun inn í hálfleikinn en það varð ekki því upp úr þurru minnkaði Fjölnir muninn í eitt mark fyrir hálfleik og galopnaði leikinn. Markið hleypti trú í lið Fjölnis og gátu leikmenn og þjálfari liðsins prísað sig sæla að vera aðeins marki undir í hálfleik eftir mikla yfirburði heimamanna, sérstaklega seinni hluta hálfleiksins. Markið undir lok fyrri hálfleiks hleypti augljósum ótta í lið ÍA sem þurfti sárlega á stigunum að halda í fallbaráttunni og er leið á seinni hálfleik þyngdust sóknir Fjölnis sem náði að komast yfir með tveimur keimlíkum mörkum. ÍA virtist því hafa gloprað unnum leik niður í tap en annan leikinn í röð fékk Fjölnir jöfnunarmark á sig undir lokin og varð að sætta sig við tvö töpuð stig í baráttunni um Evrópusæti og má telja að stigin fjögur sem liðið hefur misst gegn Val og ÍA á einni viku séu of mikið til að liðið geti náð KR eða Breiðabliki að stigum í Evrópusæti. ÍA tekur aftur á móti stiginu fagnandi úr því sem komið var en liðið er nú fjórum stigum frá fallsæti þegar fimm umferðir eru eftir af Pepsí deildinni. Varnarmenn beggja liða vilja eflaust gleyma þessum leik sem fyrst. Nánast enginn þeirra náði sér á strik í leiknum en mörg falleg sóknartilþrif sáust í leiknum. Aron Sigurðarson fór fyrir Fjölni fram á við og þeirra lang bestur í fyrri hálfleik þó Mark Magee hafi skoraði bæði mörk liðsins. Aron skoraði fyrra mark Fjölnis í seinni hálfleik og lagði hitt upp. Jón Vilhelm Ákason átti góðan leik fyrri ÍA og skoraði tvö mörk. Garðar Gunnlaugsson stóð einnig fyrir sínu og var réttur maður á réttum stað í lokin þegar hann nýtti sér að samherji sinn Arsenij Buinickij hitti ekki boltann sem barst þá til Garðars sem jafnaði leikinn í lokin. Garðar: Heppinn að Arsenij hittir ekki boltann„Það er gríðarlega svekkjandi að missa þetta forskot,“ sagði Garðar Gunnlaugsson hetja ÍA í kvöld en hann var allt annað en sáttur við umdeilt þriðja mark Fjölnis í leiknum. „Mér fannst þetta vera klárt brot í þriðja markinu hjá þeim en úr því sem komið er tökum við þetta stig.“ Garðar sagði mark Fjölnis undir lok fyrri hálfleiks vera vendipunkt leiksins. „Það gefur þeim auka kraft og við förum svekktir inn í hálfleik og náum ekki að fylgja fyrri hálfeiknum eftir í byrjun seinni. Þeir ganga á lagið og maður heyrir á þeim að það er meiri talandi og barátta í þeim í seinni hálfleik. „Um leið og ég sá að Manni (Ármann Smári Björnsson) fór í boltann þá vissi ég að hann myndi skalla þangað og svo var ég heppinn að Arsenij hittir ekki boltann og geng á lagið,“ sagði Garðar léttur. „Þetta er töluvert skárra en hinir tveir leikirnir á móti Fjölni og þetta telur allt. Við erum komnir með 18 stig núna og eigum Fylki næst. Við tökum þrjú stig þar,“ sagði Garðar en Fjölnir hafði unnið ÍA í tvígang fyrr á tímabilinu næsta örugglega. Ágúst: Súrt að tapa þessu niður í jafntefli„Við mættum ekki í fyrri hálfleikinn og ótrúlegt að þetta spilist þannig að við skorum tvö og fáum á okkur þrjú,“ sagði Ágúst Þór Gylfason þjálfari Fjölnis. „Fyrri hálfleikurinn var ekki góður en ég var alveg klár á því að við kæmum mikið betri út í seinni hálfleikinn og við gerðum það og stýrum leiknum til að byrja með og setjum á þá tvö frábær mörk. „Þetta var alveg við það að detta inn hjá okkur, þrjú stig, en þá gerist það annan leikinn í röð að við fáum á okkur mark alveg í lokin og það er ekki gott fyrir okkur í okkar stöðu,“ sagði Ágúst en Fjölnir tapaði einnig tveimur stigum með marki seint í leiknum gegn Val í síðustu umferð. Ágúst er þó ekki búinn að gefast upp í baráttunni um Evrópusæti þó erfitt verði að ná KR eða Breiðabliki úr þessu. „Við eigum enn möguleika og höldum áfram okkar stefnu að okkar markmiðum en við þurfum að fara að vinna fótboltaleiki og það er fúlt og súrt að hafa tapað þessum tveimur síðustu leikjum niður í jafntefli. Það gefur okkur lítið í þessari stöðu.“ Ágúst leit ekki á sem svo að annað mark Fjölnis seint í fyrri hálfleik hafi verið vendipunktur leiksins. „Ég er klár á því að þó staðan hafi verið 3-1 þá hefðum við alltaf komið okkur inn í leikinn. Við vorum alltaf með í leiknum í seinni hálfleik og stóðum okkur mjög vel og sýndum mikinn karakter og þess vegna er svo fúlt að fá þetta á sig alveg í lokin. Þetta verður erfið vika fyrir okkur. „Við gerðum skiptingar í seinni hálfleik sem breytu stemningunni í liðinu en þegar þú mætir ekki í fótboltaleikinn í fyrri hálfleik þá fer illa og við gáfum þeim eftir mikið svæði og þeir refsuðu okkur fyrir lélegan varnarleik,“ sagði Ágúst.
Pepsi Max-deild karla Mest lesið Bein útsending: Bakgarðshlaupið í Heiðmörk Sport Uppgjörið: KA bikarmeistari í fyrsta sinn Íslenski boltinn Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Bað börnin sín afsökunar á dánarbeðinum Fótbolti Gestirnir ívið betri en engin mörk skoruð Enski boltinn Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Díaz með tvö og Liverpool tyllti sér á toppinn Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira