Umfjöllun, viðtöl og einkunnir: Þróttur - Fylkir 1-4| Árbæingar úr botnsætinu eftir frábæran sigur Stefán Árni Pálsson á Þróttarvellinum skrifar 11. júlí 2016 22:30 Víðir Þorvarðarson skoraði tvö í leiknum í kvöld. vísir/anton brink Fylkir vann í kvöld frábæran sigur, 4-1, á Þrótti í botnslagnum í Pepsi-deild karla í knattspyrnu. Fylkir lyfti sér af botninum með sigrunum og sendi Þróttara í botnsætið. Fylkir var mun betra liðið í kvöld en Víðir Þorvarðarson skoraði tvö mörk fyrir Árbæinga í kvöld, Valdimar Þór Ingimundarson og Andrés Már Jóhannesson gerði síðan sitt markið hvor. Eina mark Þróttar gerði Thiago Pinto Borges. Af hverju vann Fylkir ?Gestirnir úr Árbænum voru bara einbeittari, skipulagðari og nýttu sín færi vel. Það var allt annað að sjá til Fylkisliðsins í kvöld og var liðið á köflum léttleikandi og skemmtilegt sóknarlið. Þróttarar fundu sig alls ekki, en sköpuðu nokkur færi sem þeim var fyrirmunað að nýta. Fylkir átti þennan sigur svo fyllilega skilið og gaman fyrir Hermann Hreiðarsson, þjálfara liðsins, að ná í þrjú stig á sjálfan afmælisdaginn.Þessir stóðu upp úrVíðir Þorvarðarson var frábær í liði Fylkis í kvöld. Hann skoraði tvö mörk, var duglegur og hljóp mikið. Andrés Már Jóhannesson var einnig virkilega öflugur í liðið Árbæinga í kvöld og stóðu þeir tveir upp úr á vellinum. Dion Acoff var í raun eini leikmaður Þróttara sem var að reyna eitthvað sóknarlega.Hvað gekk illa?Þróttarar þurfa einhvern veginn að endurskipuleggja allan sóknarleik sinn. Gengi liðsins mun ekkert batna ef þeir fara ekki að reyna eitthvað annað en að senda langa bolta upp kantinn á Dion Acoff og vona að hann stingi alla af. Það vantar fleiri víddir í þeirra sóknarleik og Greg Ryder þarf að finna lausn við því, ekki seinna en í gær.Hvað gerist næst?Nú heldur bara áfram hörð botnbarátta hjá báðum þessum liðum og verða leikmenn og þjálfarar að halda vel á spöðunum, ef liðin ætla sér að vera áfram í deild þeirra bestu. Hermann sáttur með afmælisgjöfina: Fylkisliðið sem nýtir færin„Þetta var fín afmælisgjöf, maður biður ekki um mikið meira en þetta,“ segir Hermann Hreiðarsson, þjálfari Fylkis og afmælisbarn dagsins, eftir sigurinn í kvöld. Hermann er 42 ára í dag. „Það var alveg lífsnauðsynlegt fyrir okkur að fá þrjú stig í kvöld og það sýndi sig vel á baráttunni í strákunum.“ Hermann segir að þetta lið sem sást í kvöld sé Fylkisliðið sem loksins nýtir sín færi. „Við höfum verið að spila fínasta bolta í síðustu leikjum í deildinni, en höfum ekki náð að nýta okkar færi. Það kom loks í kvöld,“ segir Hermann sem nýtti EM-fríið til að fara yfir andlega þáttinn hjá leikmönnum liðsins. „Það hefur bara vantað smá upp á trúna hjá okkur, trúna til að klára leikina. Í kvöld vorum við bara miklu betri í seinni hálfleik og það fór með þennan leik.“ Gregg Ryder: Gregg Ryder, þjálfari Þróttar.Vísir/Ernir„Við erum algjörlega miður okkar eftir þessi úrslit,“ segir Gregg Ryder, þjálfari Þróttar, eftir leikinn. „Þetta var mjög skrítinn leikur. Þeir fengu einhver fjögur, kannski fimm færi og skora öll þess mörk. Við fengum endalaust mörg færi og náum bara að skora eitt mark.“ Ryder segir að það sé skelfileg uppskrift á fótboltaleik þegar liðið manns getur einfaldlega ekki skorað mörk. „Þegar maður nýtir ekki færin sín, þá getur þú ekki unnið fótboltaleiki. Það vantaði alla einbeitingu í mína mann í aðdraganda markanna sem við fáum á okkur. Þetta er eitthvað sem við erum búnir að tala endalaust um. Við getum ekki verið að gera þessi mistök og við verðum núna bara að læra af þessu, og það mjög fljótlega.“ Víðir: Gott að geta gefið Hemma þennan sigur í afmælisgjöf„Við erum ánægðir með spilamennsku okkar í dag og að skora fjögur mörk er frábært,“ segir Víðir Þorvarðarson, leikmaður Fylkis, eftir sigurinn í kvöld en hann gerði tvö mörk í leiknum. „Við vorum þéttir fyrir í kvöld og þetta var mjög sannfærandi sigur. Það var gaman að geta gefið Hemma þetta í afmælisgjöf,“ segir Víðir og bætir við að leikmenn liðsins hafi undanfarna daga rifjað upp að þeir eru í raun mjög góðir í fótbolta. „Það hefur ekkert breyst, en við fórum herfilega af stað á þessu tímabili en við vitum hversu góðir við erum og það er mjög ánægjulegt að geta sýnt það loks hér í dag. Það er gott að líta loksins á töfluna og vera ekki neðstir,“ segir Víðir. Hann segir að samt sem áður sem mjög mikið verk eftir óunnið. „Þessir leikir eru samt ótrúlega mikilvægir, þessir sex stiga leikir og við verðum einfaldlega að klára þá.“Hemmi í kvöldvísirVíðir í leiknum í kvöld. Pepsi Max-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Dubois rústaði Joshua: „Ég er stríðsmaður allt til enda“ Sport Fleiri fréttir Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Sjá meira
Fylkir vann í kvöld frábæran sigur, 4-1, á Þrótti í botnslagnum í Pepsi-deild karla í knattspyrnu. Fylkir lyfti sér af botninum með sigrunum og sendi Þróttara í botnsætið. Fylkir var mun betra liðið í kvöld en Víðir Þorvarðarson skoraði tvö mörk fyrir Árbæinga í kvöld, Valdimar Þór Ingimundarson og Andrés Már Jóhannesson gerði síðan sitt markið hvor. Eina mark Þróttar gerði Thiago Pinto Borges. Af hverju vann Fylkir ?Gestirnir úr Árbænum voru bara einbeittari, skipulagðari og nýttu sín færi vel. Það var allt annað að sjá til Fylkisliðsins í kvöld og var liðið á köflum léttleikandi og skemmtilegt sóknarlið. Þróttarar fundu sig alls ekki, en sköpuðu nokkur færi sem þeim var fyrirmunað að nýta. Fylkir átti þennan sigur svo fyllilega skilið og gaman fyrir Hermann Hreiðarsson, þjálfara liðsins, að ná í þrjú stig á sjálfan afmælisdaginn.Þessir stóðu upp úrVíðir Þorvarðarson var frábær í liði Fylkis í kvöld. Hann skoraði tvö mörk, var duglegur og hljóp mikið. Andrés Már Jóhannesson var einnig virkilega öflugur í liðið Árbæinga í kvöld og stóðu þeir tveir upp úr á vellinum. Dion Acoff var í raun eini leikmaður Þróttara sem var að reyna eitthvað sóknarlega.Hvað gekk illa?Þróttarar þurfa einhvern veginn að endurskipuleggja allan sóknarleik sinn. Gengi liðsins mun ekkert batna ef þeir fara ekki að reyna eitthvað annað en að senda langa bolta upp kantinn á Dion Acoff og vona að hann stingi alla af. Það vantar fleiri víddir í þeirra sóknarleik og Greg Ryder þarf að finna lausn við því, ekki seinna en í gær.Hvað gerist næst?Nú heldur bara áfram hörð botnbarátta hjá báðum þessum liðum og verða leikmenn og þjálfarar að halda vel á spöðunum, ef liðin ætla sér að vera áfram í deild þeirra bestu. Hermann sáttur með afmælisgjöfina: Fylkisliðið sem nýtir færin„Þetta var fín afmælisgjöf, maður biður ekki um mikið meira en þetta,“ segir Hermann Hreiðarsson, þjálfari Fylkis og afmælisbarn dagsins, eftir sigurinn í kvöld. Hermann er 42 ára í dag. „Það var alveg lífsnauðsynlegt fyrir okkur að fá þrjú stig í kvöld og það sýndi sig vel á baráttunni í strákunum.“ Hermann segir að þetta lið sem sást í kvöld sé Fylkisliðið sem loksins nýtir sín færi. „Við höfum verið að spila fínasta bolta í síðustu leikjum í deildinni, en höfum ekki náð að nýta okkar færi. Það kom loks í kvöld,“ segir Hermann sem nýtti EM-fríið til að fara yfir andlega þáttinn hjá leikmönnum liðsins. „Það hefur bara vantað smá upp á trúna hjá okkur, trúna til að klára leikina. Í kvöld vorum við bara miklu betri í seinni hálfleik og það fór með þennan leik.“ Gregg Ryder: Gregg Ryder, þjálfari Þróttar.Vísir/Ernir„Við erum algjörlega miður okkar eftir þessi úrslit,“ segir Gregg Ryder, þjálfari Þróttar, eftir leikinn. „Þetta var mjög skrítinn leikur. Þeir fengu einhver fjögur, kannski fimm færi og skora öll þess mörk. Við fengum endalaust mörg færi og náum bara að skora eitt mark.“ Ryder segir að það sé skelfileg uppskrift á fótboltaleik þegar liðið manns getur einfaldlega ekki skorað mörk. „Þegar maður nýtir ekki færin sín, þá getur þú ekki unnið fótboltaleiki. Það vantaði alla einbeitingu í mína mann í aðdraganda markanna sem við fáum á okkur. Þetta er eitthvað sem við erum búnir að tala endalaust um. Við getum ekki verið að gera þessi mistök og við verðum núna bara að læra af þessu, og það mjög fljótlega.“ Víðir: Gott að geta gefið Hemma þennan sigur í afmælisgjöf„Við erum ánægðir með spilamennsku okkar í dag og að skora fjögur mörk er frábært,“ segir Víðir Þorvarðarson, leikmaður Fylkis, eftir sigurinn í kvöld en hann gerði tvö mörk í leiknum. „Við vorum þéttir fyrir í kvöld og þetta var mjög sannfærandi sigur. Það var gaman að geta gefið Hemma þetta í afmælisgjöf,“ segir Víðir og bætir við að leikmenn liðsins hafi undanfarna daga rifjað upp að þeir eru í raun mjög góðir í fótbolta. „Það hefur ekkert breyst, en við fórum herfilega af stað á þessu tímabili en við vitum hversu góðir við erum og það er mjög ánægjulegt að geta sýnt það loks hér í dag. Það er gott að líta loksins á töfluna og vera ekki neðstir,“ segir Víðir. Hann segir að samt sem áður sem mjög mikið verk eftir óunnið. „Þessir leikir eru samt ótrúlega mikilvægir, þessir sex stiga leikir og við verðum einfaldlega að klára þá.“Hemmi í kvöldvísirVíðir í leiknum í kvöld.
Pepsi Max-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Dubois rústaði Joshua: „Ég er stríðsmaður allt til enda“ Sport Fleiri fréttir Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Sjá meira