Honda Civic Type R rúllar á Nürburgring Finnur Thorlacius skrifar 17. maí 2017 14:00 Hondan við það að rúlla á þakið og þannig endaði bílferðin þann daginn. Óheppin eru tíð á Nürburgring brautinni þýsku en þar reyna flestir að ná sem bestum tíma á 20 km langri brautinni og sumir þeirra í viðleitni sinni til að slá met í hinum ýmsu flokkum bíla. Á þessu fékk Honda Civic Type R að kenna þegar ökumaður hans ofgerði bílnum í krappri beygju en hann var ekki á vegum Honda í brautinni, heldur á sínum eigin bíl sem væntanlega er erfitt að tryggja fyrir svona slysum. Hann ber því líklega tjónið alfarið sjálfur. Það er reyndar Honda Civic Type R sem á metið á Nürburgring brautinni á meðal fjöldaframleiddra framhjóladrifsbíla, enda er hann 306 hestafla spyrnukerra með mikla akstursgetu, en eins og hér sést má ofgera bílnum samt. Ökumanninn sakaði ekki í þessari veltu og steig hann fljótlega, nokkuð skelkaður þó, út úr bíl sínum. Sem betur fór voru þeir tveir Porsche bílar sem á eftir komu ekki mjög nálægt Honda bílnum og náði að stoppa í tæka tíð. Það skýrir kannski betur út veltuna að hafa tvo slíka bíla í baksýnisspeglinum og ef til vill hafa hug á því að halda þeim fyrir aftan sig. Mest lesið Mamma bara María þegar mæðgurnar eru saman á vakt Innlent Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Önnur vopnageymsla í ljósum logum í Rússlandi Erlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Maður margra storma íhugar stöðu sína Innlent Vörpuðu líkum fram af húsþaki á Vesturbakkanum Erlent Telja fleiri vera að falla á nýjum bílprófum Innlent Framboð Baldurs þurfti að endurgreiða styrki sem fóru yfir hámark Innlent
Óheppin eru tíð á Nürburgring brautinni þýsku en þar reyna flestir að ná sem bestum tíma á 20 km langri brautinni og sumir þeirra í viðleitni sinni til að slá met í hinum ýmsu flokkum bíla. Á þessu fékk Honda Civic Type R að kenna þegar ökumaður hans ofgerði bílnum í krappri beygju en hann var ekki á vegum Honda í brautinni, heldur á sínum eigin bíl sem væntanlega er erfitt að tryggja fyrir svona slysum. Hann ber því líklega tjónið alfarið sjálfur. Það er reyndar Honda Civic Type R sem á metið á Nürburgring brautinni á meðal fjöldaframleiddra framhjóladrifsbíla, enda er hann 306 hestafla spyrnukerra með mikla akstursgetu, en eins og hér sést má ofgera bílnum samt. Ökumanninn sakaði ekki í þessari veltu og steig hann fljótlega, nokkuð skelkaður þó, út úr bíl sínum. Sem betur fór voru þeir tveir Porsche bílar sem á eftir komu ekki mjög nálægt Honda bílnum og náði að stoppa í tæka tíð. Það skýrir kannski betur út veltuna að hafa tvo slíka bíla í baksýnisspeglinum og ef til vill hafa hug á því að halda þeim fyrir aftan sig.
Mest lesið Mamma bara María þegar mæðgurnar eru saman á vakt Innlent Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Önnur vopnageymsla í ljósum logum í Rússlandi Erlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Maður margra storma íhugar stöðu sína Innlent Vörpuðu líkum fram af húsþaki á Vesturbakkanum Erlent Telja fleiri vera að falla á nýjum bílprófum Innlent Framboð Baldurs þurfti að endurgreiða styrki sem fóru yfir hámark Innlent