Aurskriða inn í íbúð, ónýtur bíll og týndur köttur en buguð Bryndís fagnaði Sindri Sverrisson skrifar 7. júlí 2021 14:00 Bryndís Rut Haraldsdóttir, fyrirliði Tindastóls, býr á neðri hæð í þessu hvíta húsi í Varmahlíð þar sem aurskriðan féll á þriðjudaginn í síðustu viku. Vísir Það féll aurskriða inn í íbúðina hennar, kötturinn týndist, bíllinn bilaði og hún veiktist en stóð samt uppi sem sigurvegari í mikilvægum fótboltaleik í Garðabæ í gærkvöld. Þetta er ekki handrit að bíómynd heldur vika í lífi Bryndísar Rutar Haraldsdóttur. Bryndís er fyrirliði Tindastóls á Sauðárkróki og stóð vaktina í vörn liðsins í dísætum 1-0 sigri gegn Stjörnunni í gærkvöld. Það gerði hún þrátt fyrir að líkaminn væri farinn að bugast undan óeðlilegu álagi síðustu daga: „Ég var hitalaus og lét bara vaða. Þetta var bara hausverkur og einhver slappleiki. Ég er ekki búin að sofa neitt síðustu daga, enda búin að vera að vinna á fullu í húsinu mínu eftir aurskriðuna. Ég er bara búin að vera á yfirsnúningi,“ sagði Bryndís við Vísi í dag. Aurskriðan sem féll í Varmahlíð í síðustu viku féll meðal annars á húsið sem Bryndís og kærasti hennar búa í, með tveimur köttum sínum. Skriðan lagðist á þrjá glugga íbúðarinnar, braut sér leið inn í eitt herbergjanna og olli miklum skemmdum. „Ég var á Sauðárkróki að þjálfa þegar kærastinn minn hringdi og sagðist vera að drífa sig heim því það hefði fallið aurskriða á húsið okkar. Vinnufélagi hans hafði komið að þessu og ég hringdi strax í hann því við áttum tvo ketti þarna inni og ég var svolítið áhyggjufull gagnvart þeim. Hann náði í þá og þeir voru ómeiddir,“ sagði Bryndís. Íbúðin í lag á mettíma og liðsfélagarnir máluðu Hún og hennar fólk beið ekki boðanna og vann þrekvirki við að koma íbúðinni í samt lag að nýju: „Það var bara drulla inni í gestaherberginu og grjót. Á föstudaginn leyfðu Almannavarnir okkur að fara aftur inn í húsið til að byrja að hreinsa út. Við hreinsuðum út gólfefni, fataskápa, hurðar og fleira, og á sunnudagskvöldið gistum við aftur í íbúðinni, sem er eiginlega alveg magnað,“ sagði Bryndís. Aurskriðan féll á tvö hús. Íbúð Bryndísar er í hvíta húsinu til hægri á mynd.Vísir Liðsfélagar hennar í Tindastóli létu ekki sitt eftir liggja við að lagfæra íbúð fyrirliðans síns: „Við eigum mjög gott bakland hérna. Ég á fjóra bræður og þrír þeirra eru smiðir, og ég líka. Svo eigum við vinafólk hérna í Varmahlíð, húsasmíðameistara og rafvirkja þar á meðal, sem hjálpuðu okkur helling. Ég fékk svo fótboltaliðið til að koma og hjálpa mér að henda dótinu okkar út og mála. Ég trúði því ekki þegar bróðir minn sagði að við gætum flutt inn á sunnudagskvöldið en við erum búin að skipta um gólfefni, setja upp nýjar innihurðir, mála, sparsla og setja upp nýjan vegg. Þetta er búin að vera geðbilun hjá mér, maður er búinn að vera að vinna fram eftir nóttu, og ég held að þess vegna hafi ég verið orðin svona slöpp. Þetta skrifast örugglega á svefnleysi,“ sagði Bryndís. Ónýtur bíll og týndur köttur „Þetta er ekki beint búin að vera mín vika. Bíllinn minn er örugglega ónýtur líka – alla vega eitthvað bilaður. Svo týndi ég öðrum kettinum mínum,“ sagði Bryndís en kötturinn sá strauk úr pössun. Það hefur hann þó gert áður og alltaf skilað sér heim á endanum. Eftir allt þetta, og mikla þrautagöngu í Pepsi Max-deildinni, gat Bryndís loks leyft sér að brosa eftir sigurinn í Garðabæ í gærkvöld. „Þetta var mjög kærkominn sigur, eiginlega alveg nauðsynlegur,“ sagði Bryndís sem eftir aksturinn heim í Skagafjörð hafði enn þrek til að klára að setja upp hurðar í íbúðinni sinni í nótt. Náði jafntefli daginn eftir skriðuna Bryndís spilaði raunar leik daginn eftir að skriðan féll, síðastliðinn miðvikudag, í markalausu jafntefli við sterkt lið Selfoss á Sauðárkróki: „Það var ekkert sem við gátum gert varðandi húsið svo að ég fókusaði bara á þennan leik við Selfoss. Maður fann meira fyrir þessu í gær [gegn Stjörnunni] því maður var alveg bugaður af þreytu eftir að hafa verið að vinna alla helgina. En við hefðum ekki náð þessu á 2-3 dögum nema af því að við höfðum allt þetta góða fólk í kringum okkur,“ sagði Bryndís. Hún fær engan tíma til að slaka á því á morgun heldur hún á Símamótið með stelpurnar sem hún þjálfar, og á sunnudaginn er leikur hjá Tindastóli gegn Þrótti í Laugardalnum. Með sigri geta Bryndís og félagar grafið sig upp úr fallsæti, á þessari fyrstu leiktíð þeirra í efstu deild. Pepsi Max-deild kvenna Tindastóll Skagafjörður Kettir Tengdar fréttir Umfjöllun og viðtöl: Stjarnan - Tindastóll 0-1 | Stólarnir stóðu af sér storminn og unnu dísætan sigur Tindastóll vann frækinn 1-0 sigur gegn Stjörnunni í Garðabæ í kvöld og krækti þar með í sín fyrstu stig á útivelli í sumar, í Pepsi Max-deild kvenna í fótbolta. 6. júlí 2021 21:10 Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Sögulegur dagur er Thelma sópaði til sín gullverðlaunum Sport Fleiri fréttir Í beinni: Fram - Fylkir | Gestirnir reyna sleppa við fall Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjá meira
Bryndís er fyrirliði Tindastóls á Sauðárkróki og stóð vaktina í vörn liðsins í dísætum 1-0 sigri gegn Stjörnunni í gærkvöld. Það gerði hún þrátt fyrir að líkaminn væri farinn að bugast undan óeðlilegu álagi síðustu daga: „Ég var hitalaus og lét bara vaða. Þetta var bara hausverkur og einhver slappleiki. Ég er ekki búin að sofa neitt síðustu daga, enda búin að vera að vinna á fullu í húsinu mínu eftir aurskriðuna. Ég er bara búin að vera á yfirsnúningi,“ sagði Bryndís við Vísi í dag. Aurskriðan sem féll í Varmahlíð í síðustu viku féll meðal annars á húsið sem Bryndís og kærasti hennar búa í, með tveimur köttum sínum. Skriðan lagðist á þrjá glugga íbúðarinnar, braut sér leið inn í eitt herbergjanna og olli miklum skemmdum. „Ég var á Sauðárkróki að þjálfa þegar kærastinn minn hringdi og sagðist vera að drífa sig heim því það hefði fallið aurskriða á húsið okkar. Vinnufélagi hans hafði komið að þessu og ég hringdi strax í hann því við áttum tvo ketti þarna inni og ég var svolítið áhyggjufull gagnvart þeim. Hann náði í þá og þeir voru ómeiddir,“ sagði Bryndís. Íbúðin í lag á mettíma og liðsfélagarnir máluðu Hún og hennar fólk beið ekki boðanna og vann þrekvirki við að koma íbúðinni í samt lag að nýju: „Það var bara drulla inni í gestaherberginu og grjót. Á föstudaginn leyfðu Almannavarnir okkur að fara aftur inn í húsið til að byrja að hreinsa út. Við hreinsuðum út gólfefni, fataskápa, hurðar og fleira, og á sunnudagskvöldið gistum við aftur í íbúðinni, sem er eiginlega alveg magnað,“ sagði Bryndís. Aurskriðan féll á tvö hús. Íbúð Bryndísar er í hvíta húsinu til hægri á mynd.Vísir Liðsfélagar hennar í Tindastóli létu ekki sitt eftir liggja við að lagfæra íbúð fyrirliðans síns: „Við eigum mjög gott bakland hérna. Ég á fjóra bræður og þrír þeirra eru smiðir, og ég líka. Svo eigum við vinafólk hérna í Varmahlíð, húsasmíðameistara og rafvirkja þar á meðal, sem hjálpuðu okkur helling. Ég fékk svo fótboltaliðið til að koma og hjálpa mér að henda dótinu okkar út og mála. Ég trúði því ekki þegar bróðir minn sagði að við gætum flutt inn á sunnudagskvöldið en við erum búin að skipta um gólfefni, setja upp nýjar innihurðir, mála, sparsla og setja upp nýjan vegg. Þetta er búin að vera geðbilun hjá mér, maður er búinn að vera að vinna fram eftir nóttu, og ég held að þess vegna hafi ég verið orðin svona slöpp. Þetta skrifast örugglega á svefnleysi,“ sagði Bryndís. Ónýtur bíll og týndur köttur „Þetta er ekki beint búin að vera mín vika. Bíllinn minn er örugglega ónýtur líka – alla vega eitthvað bilaður. Svo týndi ég öðrum kettinum mínum,“ sagði Bryndís en kötturinn sá strauk úr pössun. Það hefur hann þó gert áður og alltaf skilað sér heim á endanum. Eftir allt þetta, og mikla þrautagöngu í Pepsi Max-deildinni, gat Bryndís loks leyft sér að brosa eftir sigurinn í Garðabæ í gærkvöld. „Þetta var mjög kærkominn sigur, eiginlega alveg nauðsynlegur,“ sagði Bryndís sem eftir aksturinn heim í Skagafjörð hafði enn þrek til að klára að setja upp hurðar í íbúðinni sinni í nótt. Náði jafntefli daginn eftir skriðuna Bryndís spilaði raunar leik daginn eftir að skriðan féll, síðastliðinn miðvikudag, í markalausu jafntefli við sterkt lið Selfoss á Sauðárkróki: „Það var ekkert sem við gátum gert varðandi húsið svo að ég fókusaði bara á þennan leik við Selfoss. Maður fann meira fyrir þessu í gær [gegn Stjörnunni] því maður var alveg bugaður af þreytu eftir að hafa verið að vinna alla helgina. En við hefðum ekki náð þessu á 2-3 dögum nema af því að við höfðum allt þetta góða fólk í kringum okkur,“ sagði Bryndís. Hún fær engan tíma til að slaka á því á morgun heldur hún á Símamótið með stelpurnar sem hún þjálfar, og á sunnudaginn er leikur hjá Tindastóli gegn Þrótti í Laugardalnum. Með sigri geta Bryndís og félagar grafið sig upp úr fallsæti, á þessari fyrstu leiktíð þeirra í efstu deild.
Pepsi Max-deild kvenna Tindastóll Skagafjörður Kettir Tengdar fréttir Umfjöllun og viðtöl: Stjarnan - Tindastóll 0-1 | Stólarnir stóðu af sér storminn og unnu dísætan sigur Tindastóll vann frækinn 1-0 sigur gegn Stjörnunni í Garðabæ í kvöld og krækti þar með í sín fyrstu stig á útivelli í sumar, í Pepsi Max-deild kvenna í fótbolta. 6. júlí 2021 21:10 Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Sögulegur dagur er Thelma sópaði til sín gullverðlaunum Sport Fleiri fréttir Í beinni: Fram - Fylkir | Gestirnir reyna sleppa við fall Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjá meira
Umfjöllun og viðtöl: Stjarnan - Tindastóll 0-1 | Stólarnir stóðu af sér storminn og unnu dísætan sigur Tindastóll vann frækinn 1-0 sigur gegn Stjörnunni í Garðabæ í kvöld og krækti þar með í sín fyrstu stig á útivelli í sumar, í Pepsi Max-deild kvenna í fótbolta. 6. júlí 2021 21:10