Samtök ferðaþjónustunnar telja óásættanlegt að ferðaþjónustunni og almannahagsmunum sé stefnt í voða með þeim aðstæðum sem yfirvinnubann flugumferðastjóra hefur skapað. Þetta kemur fram í yfirlýsingu frá samtökunum.
Yfirvinnubann flugstjóra hefur staðið yfir í tvo mánuði eða frá 6. apríl síðastliðinum. Á þeim tíma hefur næturumferð um Keflavíkurflugvöll legið niðri í fjórgang vegna veikinda vakthafandi flugumferðarstjóra.
„Þriðja sumarið í röð hefur ferðaþjónustan þurft að búa við þær aðstæður að fámennir hópar launþega hafa valdið miklum vandræðum og haft atvinnugreinina og samgöngur til og frá landinu í hendi sér í kjarabaráttu sinni. Öruggar samgöngur til og frá landinu er eitthvað sem verður að vera hægt að treysta á,“ segir í yfirlýsingunni.
Samtökin benda á að ímynd og orðspor Íslands sé í húfi og mikilvægt sé að stöðugleiki ríki í samgöngum. Þau biðla til samningsaðila að leita allra leiða til að ná sáttum þannig að ekki komi til frekara tjóns fyrir íslenskt samfélag.
Telja óásættanlegt að ferðaþjónustu og almannahagsmunum sé stefnt í voða
Tengdar fréttir
Vill að flugumferðarstjórar „komi niður úr skýjunum“
Þorsteinn Víglundsson, framkvæmdastjóri Samtaka atvinnulífsins, segir launakröfur flugumferðarstjóra óraunhæfar.
Ný gögn lögð fram í kjaradeilu flugumferðarstjóra og SA
Flugumferðarstjórar beita enn um sinn vægustu úrræðum í kjaradeilunni.
Tafir á Keflavíkurflugvelli í morgun vegna yfirvinnubanns
Í sumum tilfellum þurftu farþegar að bíða allt að tvo tíma eftir að komast í flug sín.
Grafalvarlegt mál að kjaradeildur standi yfir þriðja sumarið í röð
Framkvæmdastjóri SA telur að ítrekaðar launadeilur og kröfur um margfaldar launahækkanir bjóði þeirri hættu heim að þjónustan færist úr landi.
