Króatar í toppsætið í 8. riðli

Króatar skutust í kvöld í efsta sæti 8. riðilsins í undankeppni HM þegar þeir lögðu Svía 1-0 á heimavelli sínum. Það var Srna sem skoraði sigurmarkið úr vítaspyrnu á 56. mínútu. Fyrr um daginn sigruðu Búlgarir Ungverja 2-0 með mörkum frá Berbatov og Lazarov. Í lokaumferð riðilsins á miðvikudaginn mæta Svíar okkur Íslendingum í Stokkhólmi, en Króatar sækja Ungverja heim. Það er því ljóst að sænska liðið mun ekki taka það íslenska neinum vettlingatökum á miðvikudaginn, enda sæti á HM í húfi.