Slapp með minni háttar meiðsl eftir veltu á Hafnarfjarðarvegi

Ökumaður fólksbíls slapp með minni háttar meiðsl eftir að hann missti stjórn á bílnum á Hafnarfjarðarvegi til móts við Aratún á fjórða tímanum og ók á ljósastaur með þeim afleiðingum að bíllinn valt. Lögregla og sjúkralið voru kölluð á vettvang og var önnur akreinin á veginum til norðurs lokuð í um 40 mínútur og olli það allnokkrum umferðartöfum. Nú er hins vegar búið að opna akreinina á ný og því ættu tafirnar að vera úr sögunni að sögn lögreglunnar í Hafnarfirði.