Átta mánaða skilorðsbundið fangelsi fyrir fíkniefnabrot

Karlmaður á fimmtugsaldri var í Hæstarétti í dag dæmdur í átta mánaða skilorðsbundið fangelsi fyrir fíkniefnabrot. Lögregla stöðvaði manninn við eftirlit fyrir um tveimur árum og fann við bifreið hans fíkniefni. Við húsleit heima hjá manninum fannst svo marijúana, tóbaksblönduð kannabisefni og 2 kannabisplöntur. Rétt um ár leið frá því að rannsókn málsins lauk og þar til ákæra var gefin út og var tekið tillit til þess ásamt því að maðurinn hafði áður gerst sekur um fíkniefnabrot. Þótti átta mánaða fangelsi skilorðsbundið til þriggja ára hæfileg refsing auk upptöku á fíkniefnunum.