Maður á níræðisaldri handtekinn fyrir akstur undir áhrifum

Lögreglan í Reykjavík hafði afskipti af tólf ökumönnum vegna ölvunaraksturs og eins vegna aksturs undir áhrifum lyfja um helgina. Flestir hinna teknu voru á þrítugs- og fertugsaldri en sá elsti er á tíræðisaldri.

Fimmtíu og þrjú umferðaróhöpp voru tilkynnt um helgina. Flest voru þau minniháttar að undanskildu hörmulegu bílslysi á Suðurlandsvegi á laugardag en lögreglan í Reykjavík sinnti því útkalli. Í umræddu slysi létust tveir eins og fram hefur komið.

Í umferðarslysum innan borgarmarkanna var sjúkraflutningur í einu tilviki en nokkrir leituðu sér sjálfir aðstoðar á slysadeild eftir því sem segir á vef lögreglunnar.