Skotheld fegrunarráð fyrir jólin

Hár- og förðunarfræðingurinn Karl Berndsen gaf nýverið út forvitnilegt kennslumyndband fyrir konur sem vilja líta vel út.

Jól.is hafði samband við Karl í von um skotheld fegrunarráð og til að forvitnast hvort hann er kominn í jólaskap.

„Eina sem ég hef gert nú þegar er að kaupa kassa af Nóa konfekti og ég er búinn að éta uppúr hálfum kassanum," svarar Karl og heldur áfram:

„Einnig hef ég rennt niður ógurlegu magni af nýbökuðum smákökum - sem bregðast aldrei hjá fjölskyldunni. Annað verður að bíða til Þorláksmessu."

Hvernig verður aðfangadagskvöldið hjá þér? „Ég borða rjúpu á aðfangadagskvöld og hef alltaf gert. Meira að segja þegar ég var grænmetisæta til ellefu ára."

„Síðan eyði ég jólunum í svefn og át þess á milli," svarar Karl. -elly@365.is