Búið að draga í bikarkeppni KKÍ

Nú í hádeginu var dregið í bikarkeppni KKÍ, Poweradebikarnum. Tíu lið voru dregin saman í kvennaflokki og þrjú lið sitja hjá. Hjá körlunum var dregið í sextán liða úrslit.

stórleikur umferðarinnar hjá körlunum er viðureign Íslands- og bikarmeistara Snæfells og Njarðvíkur.

Viðureign KR og Hamars er einnig áhugaverð en Hamar hefur komið skemmtilega á óvart í upphafi tímabils og hefur meðal annars lagt KR af velli.

Drátturinn:

Poweradebikar kvenna:

Þór Akureyri - Haukar

Hamar - Valur

Fjölnir - Keflavík

Njarðvík - Laugdælir

Stjarnan - KR

Skallagrímur, Grindavík og Snæfell sitja hjá og fara beint í 8-liða úrslit.

Poweradebikar karla:

KR - Hamar

Grindavík - KFÍ

Haukar - Þór Þorlákshöfn

ÍR - Valur b/Fjölnir

Skallagrímur - Njarðvík b

Keflavík - Tindastóll

Laugdælir - Ármann

Snæfell - Njarðvík