Slegist um sæti í DHL-höllinni

Það er rétt rúmur klukkutími í stórleik KR og Keflavíkur í undanúrslitum Iceland Express-deildar karla og stemningin þegar orðin mögnuð.

90 mínútum fyrir leik var haugur af fólki mættur í DHL-höllina og ljóst að það yrði hart slegist um sæti.

Hleypt var inn klukkan 18.00 og fylltist salurinn af fólki á mettíma.

Hér verður mikill hiti, stemning og læti á eftir. Sjá má hér að ofan þegar mannfjöldinn ryðst inn í húsið.

Leikurinn hefst klukkan 19.15 og er í beinni útsendingu á Stöð 2 Sport.