Fljúgandi start í Ytri Rangá

Veiðar hófust í Ytri Rangá í morgun og laxinn var svo sannarlega mættur. Lax-á á er með sína fulltrúa á svæðinu, þá Stefán Pál Ágústsson og Stefán Sigurðsson. Stefán Sig var nú rétt í þessu að landa 12 punda hrygnu en nafni hans Ágústsson var enn fisklaus. Alls voru komnir 6 laxar á land en það er ein besta byrjun í Ytri Rangá í mörg ár.

Aðrar stangir höfðu þó ekki látið sitt eftir liggja og voru komnir í það minnsta fimm laxar á land. Fiskurinn virðist vera ágætlega dreifður og enginn þeirra veiddist á sama stað. Laxarnir veiddust á Rangárflúðum, við Ægissíðufoss, á Klöppinni og í Djúpós. Allt voru þetta silfraðir og fallegir 2ja ára laxar.

Við fáum vonandi myndir frá opnunni til birtingar síðar í dag ásamt frekari fréttum af gangi mála.

Birt með góðfúslegu leyfi Lax-Á