Mikið líf í Elliðaánum

Líflegt er við Elliðaárnar þessa dagana en áin er komin í 317 laxa og tala bara hækkar á hverjum degi. Mikið líf er á flestum stöðum neðan stíflu og eitthvað af laxi farið að veiðast fyrir ofan stífluna líka. Hefðbundnir veiðistaðir uppfrá eins og Hraun og Hundasteinar skila gjarnan góðri veiði á þessum tíma en eins er töluvert að laxi í Breiðholtsstrengjunum.

Það er stórstreymt um helgina og það má þess vegna gera ráð fyrir því að veiðin glæðist ennþá meira ef göngurnar sem yfirleitt koma inn á þessum árstíma skili sér í ánna.

Bjarni Júlíusson hjá SVFR var við veiðar ásamt hinum unga og efnilega veiðimanni Hafþóri Bjarna í Elliðaánum og var veiðin hjá þeim frábær eftir daginn. Þeir fengum 2 í Fossi, einn á Breiðu og einn í Neðri Kistu.

Ef þú vilt senda okkur myndir og veiðifrétt sendu póst á kalli@365.is