"Veðurguðir greiða gamla skuld"

Hér er frétt sem við fengum frá vefnum Vötn og Veiði:

Ástþór Jóhannsson leigutaki og staðarhaldari við Straumfjarðará hefur þann skemmtilega sið að senda okkur ca tvær skýrslur á hverju sumri þar sem hann tekur saman gang mála. Að þessu sinni ríkir mikil gleði í pistlinum!

Ástþór skrifar: „Eftir rólegan fyrsta mánuðinn af laxveiðivertíðinni hér í Straumfjarðará dró til tíðinda þegar vindar fóru að blása af suðri í vaxandi straumi. Eins og annarsstaðar um vesturlandið gekk lax seinna en vant var og við það bættist að allt stefndi í enn eitt þurrkasumarið hér vestur á Snæfellsnesi, sem hefur stórlega skert veiðina í ánni yfir hávertíðina, undanfarin þrjú ár. Þegar annars ætti að veiðast vel, því öll þurrkaárin hefur verið nóg af fiski í ánni.

Fyrir réttri viku gældi staðarhaldari hér í þessari á af hógværð við þá hugmynd að vonandi næði veiðin í ánni hundrað löxum fyrir mánaðarmótin. Á sunnudaginn 24. júlí voru bókaðir 85 laxar, eftir fyrsta mánuðinn. Og læddist sá illi grunur að staðarhaldara hvort áin ætlaði að „djamma" enn eitt sumarið vegna vatnsleysis.

Meira á https://www.votnogveidi.is/frettir/eru-thau-ad-faann/nr/3961

Birt með góðfúslegu leyfi Vötn og Veiði