Varnarorð til veiðimanna við Fnjóská

Varað er við hruni úr björgum á neðasta veiðisvæði Fnjóskár. Í gær hrundi stórt stykki úr berginu neðan Bjarghorns, og eru veiðimenn beðnir að fara varlega.

Morguninn 15. ágúst hrundi stórt stykki úr berginu á milli Bjarghorns og Skúlaskeiðs. Mikil rigning var nóttina áður og hefur það eflaust átt sinn þátt í hruninu. Veiðimenn á svæðinu urðu vitni að þessu en tveir þeirra gengu þarna undir ca. 10 mínútum áður en hrundi.

Við biðjum menn að gætu ítrustu varúðar ef þeir fara þarna um , en víða má sjá sprungur í berginu og lausa steina sem þurfa ekki mikla hvatningu til að fara af stað. Sérstaklega er þetta varasamt í rigningu.

Af Fnjóská er það að frétta að veiðin er væntanlega komin yfir 400 laxa. Stangir sem við höfðum tal af í morgun voru komnar með 11 laxa, alla af veiðisvæðum 2 og 3.

Þrír þeirra voru nýgengnir laxar.

Birt með góðfúslegu leyfi SVFR