Veiðin í Rangánum hefur verið mjög góð undanfarið. Greint var frá því í fjölmiðlum í gær að í síðustu viku voru skráðir 3.726 laxar á land í þekktustu ám landsins, þar af voru 1.279 laxar úr Rangánum og því næstum þriðji hver lax sem veiðist þessa dagana úr Rangánum.
Næstu vikur eru oft þær bestu í ánum og þá sér maður oft nokkurn veginn hvort árnar fari í 5000 eða 6000 laxa, sem er auðvitað rosaleg veiði.

