Sigurður: Förum í alla leiki til að vinna

„Þetta var flottur sigur, við náðum takmarkinu okkar hér í kvöld," sagði Sigurður Gunnar Þorsteinsson, leikmaður Grindavíkur eftir 95-73 sigur á Fjölni í Iceland Express deild karla í kvöld.

Grindavík hefur byrjað mótið vel og unnið báða leiki sína til þessa.

„Við förum í alla leiki til að vinna, við hefðum getað unnið síðasta leik stærra en við unnum þannig þetta byrjar vel hjá okkur."

„Við komum inn í leikinn með það að markmiði að skora úr öllum sóknum og það gekk vel, ég fékk nokkrar auðveldar körfur og þær gengu vel," sagði Sigurður.