Slökktu á stjörnum KR-liðsins - myndir

Grindvíkingar sýndu styrk sinn í 85-59 sigri á Íslands- og bikarmeisturum KR í DHL-höllinni í gærkvöldi en Grindavíkurliðið hefur þar með unnið alla þrettán leiki tímabilsins.

Grindavíkurvörnin var gríðarlega sterk í leiknum en þrír stjörnuleikmenn KR-liðsins, David Tairu, Edward Lee Horton Junior og Hreggviður Magnússon, náðu aðeins að skora saman 13 stig í leiknum en 22 af 26 skotum þeirra rötuðu ekki rétta leið.

Það má því segja að Grindvíkingar hafi hreinlega slökkt á stjörnum KR-inga sem nýttu aðeins fimmtán prósent skota sinna en Edward Lee Horton Junior klikkaði á öllum ellefu skotum sínum í leiknum.

Stefán Karlsson, ljósmyndari Fréttablaðsins og Vísis, var á leiknum í DHL-höllinni í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.