2 vikur í opnun!

Nú eru aðeins rétt rúmar tvær vikur í opnun margra vinsælla veiðivatna og má sjá lista yfir þau hér fyrir neðan. Með hækkandi sól eykst spenningurinn hjá veiðimönnum og margir langt komnir með að hnýta flugur fyrir sumarið. Vinsælustu vorveiðivötnin hafa verið Vífilsstaðavatn og Meðalfellsvatn.

Þegar á að veiða silung í vötnum að vori er oft gott að huga að hitastigi. Snillingarnir vilja meina að ef að lofthiti er 8° eða meira þá er það nægjanlegt til að bleikjan taki við sér og fari á stjá. Þetta hefur sannað sig vel t.d. í Vífilsstaðavatni en 1. apríl í fyrra var lofthiti um 3° og lítið sem ekkert gekk en 1. apríl 2009 var lofthiti um 10° og þá gekk veiðimönnum mun betur að veiða. Urriði og sjóbirtingur eru ekki eins viðkvæmir fyrir lofthitanum og eru frekar á hreyfingu í lægra hitastigi, enda hefur það sýnst sig t.d. í Meðalfellsvatni að veiðimenn hafa verið að fá fína veiði þar þrátt fyrir kulda. Veiðimenn eru öllu jöfnu miklir bjartsýnismenn og vonum við að veðurguðirnir verði okkur hliðhollir og gefi okkur gott veiðiveður 1. apríl nk.

Meira á https://veidikortid.is/Pages/16?NewsID=826