Þurrflugunámskeið í Laxá í Laxárdal

Námskeið í þurrfluguveiði verður haldið í Laxá í Laxárdal í lok júní en áin er af mörgum talin ein allra besta silungaveiðiá á Íslandi ef ekki í heimi. Greint er frá þessu á vef Stangaveiðifélags Reykjavíkur, svfr.is.

Kennslan fer fram dagana 25. til 27. júní og kastar 65.900 krónur á mann. Innifalið í verðinu er veiði í tvo daga, matur, gisting í veiðihúsinu Rauðhólum og að sjálfsögðu kennsla allan tímann. Kennarar verða Bjarni Höskuldsson á Aðalbóli og félagar hans.

Laxá í Laxárdal þykir henta sérlega vel til þurrfluguveiða en rennsli þar er til dæmis mun hægara en ofar í ánni, í Mývatnssveit.

Á vef SVFR kemur fram að stéttarfélög hafi greitt niður námskeið af þessu tagi og er fólk hvatt til að nýta sér það.

Áhugasamir veiðimenn geta fengið nánari upplýsingar á vef SVFR.