Ellefu milljónir úr Veiðikortasjóði til rjúpnarannsókna

Umhverfisráðuneytið hefur úthlutað 28,4 milljónum króna úr Veiðikortasjóði í styrki til ýmissa rannsóknarverkefna. Hæsti einstaki styrkurinn fer til rannsókna á rjúpum.

Í kjölfar auglýsingar um umsóknir um styrki úr Veiðikortasjóði til rannsókna á stofnum villtra fugla og villtra spendýra bárust umhverfisráðuneytinu tólf umsóknir frá 15 aðilum að upphæð ríflega 50 milljónir króna.

Að því er segir í frétt umhverfisráðuneytisins fékk Umhverfisstofnun í samræmi við úthlutunarreglur fyrir Veiðikortasjóð álit frá ráðgjafarnefnd sem í sitja fulltrúar Bændasamtaka Íslands, Skotveiðifélags Íslands og umhverfisverndarsamtaka.

Þessir fengu styrkina úr Veiðikortasjóði fyrir árið 2012.

Náttúrustofa Norðausturlands, krónur 3.100.000 til verkefnisins: Farhættir og vetrarstöðvar íslenskra svartfugla.

Náttúrustofa Suðurlands, krónur 3.160.000 til verkefnisins: Rannsóknir á lunda 2012.

Háskóli Íslands ofl., krónur 2.980.000 til verkefnisins: Vetrarfæða sjófugla á íslenska landgrunninu.

Melrakkasetur Íslands, krónur 4.700.000 til verkefnisins: Vöktun íslenska refastofnsins.

Náttúrufræðistofnun Íslands, krónur 1.060.000 til verkefnisins: Sníkjudýrasýkingar, líkamsástand og stofnbreytingar rjúpu á Íslandi.

Náttúrufræðistofnun Íslands, krónur 9.700.000 til verkefnisins Rjúpnarannsóknir 2012.

Verkís, krónur 2.200.000 til verkefnisins: Vöktun á ungahlutfalli í veiðistofnum gæsa og anda, með aldursgreiningu vængja úr veiði, og vöktun á ungahlutfalli í friðuðum stofni blesgæsa.

Náttúrustofa Austurlands, krónur 1.500.000 til verkefnisins: Gæsabeitarálag á bújörðum.