11 og 12 punda laxar í opnun Hvannadalsár

Hvannadalsá opnaði í gær, 21. Júní. Tveir laxar komu land ásamt einum sjóbirting en laxarnir voru 11 og 12 pund og komu báðir úr Djúpfossi á maðk. Fleiri laxar sáust í fossinum og einnig í Réttarfljóti. Það má segja að veðrið hafi ekki verið að hjálpa til en 18 stiga hiti og glambandi sól hefur verið á svæðinu síðastliðna tvo daga.

Af Langadalsá er það að frétta að enn hefur ekki lax verið landað en veiðimenn hafa séð laxa í ánni.

Á sunnudaginn verður opnun í Ytri Rangá. Eru menn afar spenntir fyrir sunnudeginum enda ekki fleiri laxar gegnir upp teljarann í Árbæjarfossi frá því elstu menn muna. Á miðvikudag voru 19 laxar gegnir upp og má búast við að fleiri hafi farið stigan síðan þá.

Í öðrum fréttum má segja frá því að fyrstu dagurinn í Langá á Mýrum gaf 30 laxa og fiskur um allt, að sögn. Korpan gaf sex laxa opnunardaginn.

svavar@frettabladid.is