Elliðaárnar: 31 lax á fyrsta degi

Nú liggur fyrir að Elliðaárnar skiluðu 31 laxi á fyrsta degi, og er það mjög til efs að hægt sé að finna betri opnun í ánni í seinni tíð.

Eins og Veiðivísir sagði frá í gær veiddust 16 laxar á fyrstu vaktinni og fjórir bættust við fyrsta klukkutímann á seinni vaktinni. Eftir það hefur flugan komið sterk inn því svo háar veiðitölur útiloka að fleiri en 16 laxar hafi veiðst á maðk.

Hafa ber hugfast að þetta er veiði á aðeins fjórar stangir. Þetta er sirka tvöfaldur kvótinn á allar stangirnar!!

Tölur frá Þorsteini Þorsteinssyni frá Skálpastöðum vekja líka athygli hvað varðar Brennuna í Hvítá, sem eru ármót Þverár og Kjarrár. Ármótin hafa gefið sjö löxum meira en árnar; 47 á móti 40.

svavar@frettabladid.is