Ytri-Rangá komin í 2.200 laxa

Ytri-Rangá braut tvö þúsund laxa múrinn síðasta laugardag og er fyrst íslenskra áa til þess á ná þessum fjölda laxa á þessu veiðitímabili. Þetta kemur fram á agn.is. Samkvæmt veiðiskráningu var Ytri-Rangá komin í tæplega 2.200 laxa í gærkvöldi.

Ekki eru margar ár sem eru líklegar til að enda með yfir tvö þúsund laxa veiði í sumar. Eystri-Rangá mun líklega komast yfir tvö þúsund laxa múrinn en veiðin gekk hægt þar um helgina eftir að áin litaðist í rigningunum, að því er segir á agn.is.

Í fyrra komu í heildina 4.961 lax á land í Ytri-Rangá, 6.210 árið 2010 en 4.315 laxar árið 2008, sem var metár, samkvæmt tölum frá Landssambandi veiðifélaga.