Sverrir Þór byrjar vel með Grindavíkurliðið - myndir

Grindvíkingar héldu sigurgöngu sinni áfram í kvöld þegar þeir unnu öruggan 22 stiga sigur á 1. deildarliði Hauka, 92-70, í Schenkerhöllinni á Ásvöllum í fyrstu umferð Lengjubikars karls.

Grindavík hefur unnið þrjá fyrstu leiki sína undir stjórn Sverris Þórs Sverrissonar sem í sumar tók við Íslandsmeistaraliðnu af Helga Jónasi Guðfinnssyni.

Grindavík vann örugga sigra á Keflavík og Snæfelli í fyrstu tveimur umferðunum í Dominos-deildinni og sigur liðsins í kvöld var aldrei í mikilli hættu.

Anton Brink, ljósmyndari Fréttablaðsins og Vísis, var á leik Hauka og Grindavíkur í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.