Nýr sparneytinn Forester

Er nú kominn með CVT skiptingu og breytta fjöðrun.

Nýr Subaru Forester er nú kynntur með sparneytnustu BOXER bensínvél sem Subaru hefur boðið í fjórhjóladrifinn Subaru hingað til. Þrátt fyrir sítengt aldrif sem alltaf er til staðar þegar á þarf að halda er uppgefin eldsneytisnotkun Forester með 2,0 lítra vél ekki nema 6,5 l/100 km í blönduðum akstri. Togkúrva nýju 2.0l BOXER vélarinnar er flatari en áður og því meira tog á lágum snúningi og einnig við efri mörk snúningsvægis. Þessi breyting eykur nýtingu eldsneytis með mýkri akstri á jafnari snúningi. CO2 útblásturstala nýju vélarinnar er einungis 150g/km á sjálfskiptum Forester. Nýr Forester er einnig með „start/stop" búnaði sem drepur á vélinni þegar bifreiðin er stöðvuð og ræsir síðan vélina sjálfkrafa í gang þegar stigið er á bensíngjöfina aftur.

CVT sjálfskipting

Sjálfskiptingin í Forester er svokölluð „Lineartronic" stiglaus CVT sjálfskipting sem drifin er með keðju í stað reimar og er því snarpari í svörun og viðbragði við breyttum aðstæðum í akstri auk þess sem nýting eldsneytis er betri. Í sjálfskiptum gerðum Forester er alltaf flipaskipting á stýrinu. Bæði fram- og afturfjöðrun hefur verið endurbætt. Framfjöðrun er slaglengri með stífara miðjuslag og nýjar gerðir fóðringa sem draga úr titringi. Í afturfjörðun eru, í fyrsta skipti, notaðir demparar með nýjum og betri flæðiventlum sem gera fjöðrunina virkari í snöggu viðbragði og betur fallna til að taka meira álag. Forester getur nú í fyrsta skipti dregið tengivagn sem er allt að 2000 kg.

8 öryggispúðar og 5 stjörnur hjá EuroNCAP

Subaru hefur ávallt gætt vel að að öryggi farþega. Forester er búinn bakkmyndavél sem auðveldar ökumanni að fylgjast með hvort einhver eða eitthvað er fyrir aftan bílinn. Það eru 8 öryggisloftpúðar í Forester með hnjáloftpúðum fyrir ökumann og farþega í framsæti. Stöðugleikastýring er að sjálfsögðu staðalbúnaður og fjórhjóladrif með átaksjöfnum gerir akstur við allar aðstæður öruggan. Einn af helstu kostum Subaru er hversu þyngdarpunkturinn er lágur vegna þverliggjandi vélar. Það eykur stöðugleika og öryggi í akstri. Forester hlaut á dögunum fullt hús stiga í árekstrarprófunum EuroNCAP, eða 5 stjörnur.

22 cm undir lægsta punkt

Nýr Forester er með nýtt X-MODE rafvætt drifkerfi sem hægt er að setja á og af með einum hnappi. Í X-MODE stillingunni bregst bíllinn við öllum óvæntum hreyfingum við erfiðar aðstæður með því að yfirtaka og stjórna áframátaki og hemlun eftir aðstæðum. Niðurbrekkuhjálp auðveldar akstur fram af bröttum brúnum eða brekkum. Aðgangs- og frágangshorn er með því mesta sem þekkist í þessum flokki bíla (25°/26°) en það auðveldar utanvegaakstur. Hæð undir lægsta punkt er einnig með því besta sem þekkist eða 22 cm.

Sjálfskiptur Subaru Forester kostar 5.990.000 kr. Subaru Forester verður frumsýndur hjá BL Sævarhöfða 2 laugardaginn 16. febrúar.