Verja dýrmæta dropa í Gljúfurá Garðar Örn Úlfarsson skrifar 10. mars 2013 22:38 Þar sem Gljúfurá rennur í átt að Norðurá til hægri á myndinni fellur Hópið í Gljúfurá frá vinstri. Mynd / Loftmyndir ehf, "Í miklum þurrkum munar um hvern dropa," segir Þórólfur Sveinsson, formaður Veiðifélags Borgarfjarðar, um fyrirhugaða mannvirkjagerð til að hindra vatnsstreymi úr Gljúfurá í vatnakerfi Hópsins. Skömmu áður en Gljúfurá fellur í Norðurá rennur Hópið í Gljúfuránna. Í miklum þurrkum snýst dæmið hins vegar stundum við þannig að vatn úr Gljúfurá berst yfir í Hópið og skurði því tengdu. "Þetta þýðir að mjög lítið getur verið í Gljúfurá þegar hún fellur í Norðurá og er laxinn þá tregur til að ganga upp í Gljúfuránna," útskýrir Þórólfur. Tekið var á þessu máli á félagsfundi Veiðifélags Gljúfurár í síðasta mánuði. Stjórn veiðifélagsins var þá falið að láta gera nauðsynlegar mælingar á vatnsrennsli og í framhaldi af því grípa til nauðsynlegra aðgerða til að hindra vatnsrennsli úr Gljúfurá um Hóp og skurð úr Hópinu. "Ákvörðun um gerð mannvirkis verður tekin þegar niðurstöður mælinga liggja fyrir en áhersla er lögð á að um varanlegt mannvirki verði að ræða sem skilar árangri. Mælingar verði gerðar í samráði við landeigendur," segir í samþykkt Veiðifélags Gljúfurár. Á félagsfundinum var einnig kynnt upplýsingablað frá Óðni Þórarinssyni hjá athugana- og tæknisviði Veðurstofu Íslands sem hann hafði tekið saman að beiðni stjórnar félagsins. Er það um áætlaðan kostnað við rennslismælingar vegna vatnsrennslis í skurði í Ferjubakkaflóa. "Er þar annars vegar um að ræða stakar rennslismælingar þrisvar til fjórum sinnum og hins vegar rekstur síritandi vatns hæðarmæla. Um væri að ræða mælingar á þremur stöðum, það er við skurð, við Hóp og við ós Gljúfurár," segir um upplýsingablaðið í fundargerð veiðifélagsins. Fram kemur að Í báðum tilvikum sé heildarkostnaður í kringum ein milljón króna auk virðisaukaskatts. Stjórn félagsins var falið að leita ódýrustu leiða vegna mælinganna. Leggja áherslu á tímann frá júní til október. Stangveiði Mest lesið Flottir urriðar úr Kleifarvatni Veiði Haustveiðin góð í Ytri Rangá Veiði Stórlaxar á land þegar Nessvæðið opnaði Veiði Skrítin jólagjöf fyrir veiðimanninn Veiði 100 urriðar á einum degi á ION Veiði Gangan tvöfalt stærri en á sama tíma í fyrra Veiði Of mikið veitt í Soginu Veiði 101 sm sjóbirtingur úr Húseyjakvísl Veiði Fiskurinn tregur í köldu Þingvallavatni Veiði Erlendir veiðimenn uggandi yfir líklegu eldgosi Veiði
"Í miklum þurrkum munar um hvern dropa," segir Þórólfur Sveinsson, formaður Veiðifélags Borgarfjarðar, um fyrirhugaða mannvirkjagerð til að hindra vatnsstreymi úr Gljúfurá í vatnakerfi Hópsins. Skömmu áður en Gljúfurá fellur í Norðurá rennur Hópið í Gljúfuránna. Í miklum þurrkum snýst dæmið hins vegar stundum við þannig að vatn úr Gljúfurá berst yfir í Hópið og skurði því tengdu. "Þetta þýðir að mjög lítið getur verið í Gljúfurá þegar hún fellur í Norðurá og er laxinn þá tregur til að ganga upp í Gljúfuránna," útskýrir Þórólfur. Tekið var á þessu máli á félagsfundi Veiðifélags Gljúfurár í síðasta mánuði. Stjórn veiðifélagsins var þá falið að láta gera nauðsynlegar mælingar á vatnsrennsli og í framhaldi af því grípa til nauðsynlegra aðgerða til að hindra vatnsrennsli úr Gljúfurá um Hóp og skurð úr Hópinu. "Ákvörðun um gerð mannvirkis verður tekin þegar niðurstöður mælinga liggja fyrir en áhersla er lögð á að um varanlegt mannvirki verði að ræða sem skilar árangri. Mælingar verði gerðar í samráði við landeigendur," segir í samþykkt Veiðifélags Gljúfurár. Á félagsfundinum var einnig kynnt upplýsingablað frá Óðni Þórarinssyni hjá athugana- og tæknisviði Veðurstofu Íslands sem hann hafði tekið saman að beiðni stjórnar félagsins. Er það um áætlaðan kostnað við rennslismælingar vegna vatnsrennslis í skurði í Ferjubakkaflóa. "Er þar annars vegar um að ræða stakar rennslismælingar þrisvar til fjórum sinnum og hins vegar rekstur síritandi vatns hæðarmæla. Um væri að ræða mælingar á þremur stöðum, það er við skurð, við Hóp og við ós Gljúfurár," segir um upplýsingablaðið í fundargerð veiðifélagsins. Fram kemur að Í báðum tilvikum sé heildarkostnaður í kringum ein milljón króna auk virðisaukaskatts. Stjórn félagsins var falið að leita ódýrustu leiða vegna mælinganna. Leggja áherslu á tímann frá júní til október.
Stangveiði Mest lesið Flottir urriðar úr Kleifarvatni Veiði Haustveiðin góð í Ytri Rangá Veiði Stórlaxar á land þegar Nessvæðið opnaði Veiði Skrítin jólagjöf fyrir veiðimanninn Veiði 100 urriðar á einum degi á ION Veiði Gangan tvöfalt stærri en á sama tíma í fyrra Veiði Of mikið veitt í Soginu Veiði 101 sm sjóbirtingur úr Húseyjakvísl Veiði Fiskurinn tregur í köldu Þingvallavatni Veiði Erlendir veiðimenn uggandi yfir líklegu eldgosi Veiði